ଅଧର୍ମ ବିତ୍ତ

ଦିନରାତି ଏକ କରି ଆଜି ଯେତେ

ଧନ ଅରଜିଛି ମୁହିଁ

ଖାତ ଖୋଳି ଆଜ ରଖିବି ଯତନେ

ଦେଖି କେ ପାରିବ ନାହିଁ ॥

ପାରୁନାହିଁ ବୋହି ଏତେଗୁଡା ଟଙ୍କା

ମୋ ପଛପଟ ମୁଣିରେ

ସାହାରା ଲଗାଇ ଦେଇଛି ତେଣୁତ

ବୋହିବି ମୁଁ ସହଜରେ ॥

ଚିହ୍ନଟ କରିଛି ସିମେଣ୍ଟ ପଥର

ପାରିବି ମୁହିଁ ଯେ ଜାଣି

ବ୍ଯାଙ୍କ ଯାଉ ହେ ଚୁଲିମୁଣ୍ତକୁ ତାର

ମୋ ଧନ କେ ଦେଖିବନି ॥

ଅଧର୍ମ ବିତ୍ତକୁ ହାତେଇବା ହାତ 

ଦୁଇରୁ ଛଅ ହେଲାଣି

ମୋ ହାତ ଓଜନ ସହିନପାରଇ

କହୁଣୀ ଖସିଗଲାଣି ॥

ରଖିଦେଲେ ୟାକୁ ଅତି ଯତନରେ

ଦୁଃଖ ଆଉ ନ ଆସିବ

ହାରିଗଲେ ବି ମୁଁ ମୋରି ଆସନରେ

ବସି ଖାଈଲେ ଚଳିବ ॥