ବେସୁରା ଗୀତି-୭୩୧
ବେସୁରା ଗୀତି-୭୩୧
ବର୍ଷା ଗୋ ତୁମେ ଖିଆଲି ମନର
ନିରବ ପାଚେରି ଡେଇଁ
ବର୍ଷିଯାଅ ଯେବେ ଛମ ଛମ ତାନେ
ସ୍ମୃତି ସବୁ ଉଠେ ଚେଇଁ ॥
ହଜିଲା ଦିନର ଅଭୂଲା କାହାଣୀ
ନାଚି ଯାଏ ମନ ତଳେ
କପଟ ପଶାରେ ହାରି ଯାଇଥିବା
ମଣିଷଟି ଜଳି ମରେ ॥
ବର୍ଷା ଗୋ ତୁମ ମଧୁର କଣ୍ଠରୁ
ଭିଜା ଭିଜା ସ୍ଵର ଶୁଣି
ରିକ୍ତ ମନର ସିକ୍ତ କାହାଣୀ
ଖାଏ ତାକୁ ଝୁଣି ଝୁଣି ॥
ଆସୁଅଛ ଯଦି ଆସ ଗୋ ବରଷା
ଇନ୍ଦ୍ରଧନୁ ସାଥେ ନେଇ
ଭଙ୍ଗା ମନ ତଳେ ରଙ୍ଗ ଭରି ଦିଅ
ଭୁଇଁରୁ ଆକାଶ ଛୁଇଁ ॥
ତୁମରି ଛୁଆଁରେ ଚତୁର୍ଦ୍ଦିଗେ ଆଜି
ଶ୍ୟାମଳିମା ଭରିଯାଉ
କେହି ଜେନ ଏଠି ଘର କୋଣେ ଲୁଚି
ଲୁହରେ ଗାଧୋଉ ଥାଉ ॥