ବୁଢ଼ା ବରଗଛ
ବୁଢ଼ା ବରଗଛ
ଶିକ୍ଷିତ ଅଶିକ୍ଷିତ
କାହା ମନଡାଏରିରେ ନାହିଁ ତା' ପରିଚୟ
ସେ ପରା ମୋ ଗାଁ ମୁଣ୍ଡ ବରଗଛ ।
କେତେ....,ପିଢୀରୁ ଅଛି ଯେ..
ଗଉଁତିଆ ବୁଢା ପରି କେତେ କେତେ ଫେଲ୍ ମାରନ୍ତି
ହାତ ଆଙ୍ଗୁଠିରେ ଗଣିବାରେ....।
ଏତେ ବୁଢା ଯେ...
ତା' ବାଳ ଦାଢ଼ିଠୁ ମନ ହୃଦୟ ଯାଏ
ପାଚିସାରିଲାଣି ବୋଧେ ?
ପୁଣି ବଦଳିଗଲାଣି ତା' ରୁଚି ଆଉ ପସନ୍ଦ
ଏଇ ଡିଜିଟାଲ ଦୁନିଆର ସ୍ପର୍ଶ ପାଇ ।
ଖାସ୍ ସେଥିପାଇଁ ତ ଭୁଲିଗଲାଣି ଆଜି
ଗାଁ ମାଖୁନୁର ମୁହୁରୀ ସୁରକୁ
ନୂଆ ଢୁଲିଆର ଚାର ଚାଙ୍ଗକୁ
ପୁଣି ରାଧୁର ନିଶାନ୍ ମାଡ଼କୁ ।
ଛନ୍ ଘଡିକୁ ରୂପରଙ୍ଗ ବଦଳାଏ
ମୁଣ୍ତ ଉପର୍ ର ଚିରା ଆକାଶ
ଠିକ୍ ସେଇ ଭଳି ଏ ମଣିଷଜାତି
ଆଉ ଆମ ପରି ଏଇ ବୁଢା଼ଗଛ ବି !
ଗାଁ ମୁଣ୍ଡରେ ବରଯାତ୍ରୀ
ଆଗ ପଛରେ ଦ୍ଵିଅର୍ଥବୋଧ ଡିଜେ ସହ ରିମିକ୍ସ
ତା' ସାଥେ ଖୋଲା ଆକାଶ ତଳେ
ଉଛୁଳା ଭରାଯୌବନ ପ୍ରଦର୍ଶନୀ ମେଳା ।
ଏ ସବୁ ଦେଖି..ଶୁଣି...
ଫାଟିଯାଏ ବରଂ ହୃଦୟ ନଥିବା ଛାତିମାନେ
ହେଲେ ହଲଚଲ ହୁଏନି ଏଇ ମଣିଷ
ଆଉ ତା' ସାଥେ ସାଥେ ଏଇ ବୟସ୍କ ଗଛ ।
ଆଖିପତା ପଡୁନଥାଏ ଦୁହିଁଙ୍କ
ହସ ହସ ନିର୍ଲଜ ମୁହଁରେ...।
ସେପଟେ ନିଃସହାୟ ହୋଇ
ଶକେଇ ଶକେଇ କାନ୍ଦୁଥାନ୍ତି
ଭଙ୍ଗା କ୍ଲବଘରେ ପଡିରହିଥିବା
ଧୂଳି ଅଳନ୍ଧୁ ଚଦରପିନ୍ଧା ସଂସ୍କୃତିର ଭାଇମାନେ... ।
ହଁ...ସେଇ ମୁହୁରୀ , ସେଇ ତାଷା ;
ସେଇ ନିଶାନ୍ , ସେଇ ଝୁମକା
ପୁଣି ସେଇ ଅଧାହାତିଆ ଫଟା ବ୍ୟାଗଟା..
ଯେହ୍ନେ କେଡେ ସରାଗରେ ଭରା ହେଉଥିଲା
ସ୍ନେହ ପ୍ରେମର ମିଠେଇ ଲଡୁକୁ... ।
ବଲବନ୍ତ ସାହୁ....
ମୋ- 9078105234