Audio

Forum

Read

Contests

Language


Write

Sign in
Wohoo!,
Dear user,
ମୁଁ ଦାସଟିଏ
ମୁଁ ଦାସଟିଏ
★★★★★

© Bhakta Malla

Others

1 Minutes   6.9K    6


Content Ranking

ମୁଁ ଦାସଟିଏ - କରୁଣା ର ପାତ୍ରଟିଏ

ତୁମ ଜୀବନ ଓ ଯୌବନର

ତୁମ ଔଦାର୍ଯ୍ୟ ଇଚ୍ଛାର -

ମୁଁ ଅସମର୍ଥ ପୁରୁଷଟିଏ ।

ପ୍ରତିଦିନ ମୋର ଝାଳ ଓ ଆୟୁଷକୁ

ବାଣ୍ଟି ଦେଉଥାଏ -

ତୁମ ସ୍ଵପ୍ନ ଚରିତାର୍ଥ ପାଇଁ,

ଅବଶ୍ୟ ତୁମ ଇଚ୍ଛା ମୁତାବକ

ରହିଥାଏ ପାଖେ ପାଖେ -

ବରାଦିଆ କ୍ରୀତଦାସ

ନିଷ୍ଫଳ କ୍ରୋଧଟିଏ ହୋଇ ।

ତୁମ ଉଦଗ୍ର କାମନାର ଆସ୍ପର୍ଦ୍ଧା ମାନେ

ଆଗ୍ନେୟ ର ଉତ୍ତୋଳିତ ଲାଭା,

ମୋ ପୌରୁଷ ହାର୍ ମାନେ -

ମୁଁ ହାରେମର ବାନ୍ଦା ।

ତୁମେ ଅତୃପ୍ତିର ସାଗରର ତୃଷ୍ଣା

ମୁଁ ତୁଚ୍ଛ ଏକ ପୁରୁଷାକାର

ନିଅଁଣ୍ଟିଆ ମିଛ ସୌଦାଗର ।

ବେଳେ ବେଳେ ତୁମେ ଓହ୍ଲାଇ ଆସ

ମୋର ନିଷ୍ପିଦ୍ଧ ତପୋଭୂମିକୁ -

ଯେଉଁଠି ମୁଁ ମଗ୍ନ ଥାଏ -

ଖୋଜୁଥାଏ ଅବିନାଶୀ ଶକ୍ତିର ଉତ୍ସକୁ ।

ତୁମ କଟାକ୍ଷରେ ଶରାହତ- ପରାହତ -

ମୋର ବିପୁଳ ବିଶାଳ ବକ୍ଷ,

ତୁମ କୌମାର୍ଯ୍ୟର ଉଷ୍ମ ଦାହରେ

ହୀନବୀର୍ଯ୍ୟ ହୁଏ ମୋ ପୌରୁଷ

ଭଗ୍ନ ହୁଏ ତପ -

ବିଫଳ ମୋ ହୁଏ ମନୋରଥ ।

ତୁମେ ଏକ ସୁନ୍ଦର ଶାୟକ- ନୀଳ ସମ୍ମୋହନ

ବିଚିତ୍ର ଏ ବିଶ୍ଵ ବକ୍ଷେ - ବିସ୍ମୟ ସୃଜନ,

ମାୟା ଭୂତେ ଆବିର୍ଭୂତା- ଆଦ୍ୟାଶକ୍ତି ଏ ଧରାର ଉତ୍ସ

ତୁମେ ଏକ ବେଦ ମନ୍ତ୍ର- ହବନ ର ଅପୂର୍ବ ସ୍ତମ୍ଭନ ।

ତଥାପି ବଜ୍ରକଣ୍ଠେ - ନିର୍ଘୋଷିତ

ହେଉଥାଏ ବାରମ୍ବାର -

" ବିନା ଆଶ୍ରେ ନ ବର୍ତ୍ତନ୍ତି

କବିତା ବନିତା ଲତା "

ଆତ୍ମହତ୍ୟା କରୁଥାଏ

ମୋର ପୁରୁଷାକାର ।

ଶ୍ରଦ୍ଧାର ସହ

ଭକ୍ତ ଚରଣ ମଲ୍ଲ

31st August 2017

କରୁଣା ଦାସ ଚରିତାର୍ଥ

Rate the content


Originality
Flow
Language
Cover design

Comments

Post


Some text some message..