ନିଦ ରାଇଜୁ
ନିଦ ରାଇଜୁ
ନିଦ ରାଇଜୁ ନିଦ ଭାଂଗି ଦେଇ ,
ଉଠୁ ମୋ ଧନ ରେ ।
ତାରା ମାଉସୀ ଡାକିଲେଣି ପରା ,
ବୁଲେଇ ନେବ ରେ ।।(୧)
ମିଛି ମିଛିକା ବୋହୂ ଚୋରି ଆଉ ,
ଖେଳିବେ ଲୁଚକାଳି ।
ବରଓହଳ ଶକତ ଡାଳେ ,
ଝୁଲାଇ ଦେବେ ଦୋଳି ।।(୨)
ସର ଲହୁଣୀ ଖିରି ଖେଚୁଡ଼ି ,
ଖୁଆଇ ଦେବେ ମାମୁଁ ।
ମାଇଁ ଛାଣିବେ ବୁଟ ପକୁଡି ,
ମଜାରେ ରୁମଝୁମୁ ।।(୩)
ବଉଳ ପେନ୍ଥା ହସି କହିବ ,
ଆସ ଲୋ ସଖୀ ଆସ ।
ଏତେ ଦିନ ରେ ଆସିଛି ମିତ ,
ପିଆଅ ଆଖୁ ରସ ।।(୪)
ଟିପି ଟିପିକା ପରଜା ପତି ,
ସାଧବବୋହୁ ମେଳ ।
ପରୀ ରାଇଜ କାଉଁରୀ ଛଡି ,
ଦେଵ ରେ କରତାଳ ।।(୫)
ପାଟପତନୀ ପିନ୍ଧାଇ ଅଜା ,
କରୁଥିବେ ଯେ ଗେଲ ।
ପାଟିରେ ପାନ ଜକାଇ ଆଈ ,
ଶୁଣାଏ ଗପ ଭଲ ।।(୬)