Audio

Forum

Read

Contests

Language


Write

Sign in
Wohoo!,
Dear user,
ଆଦିମ
ଆଦିମ
★★★★★

© Bhakta Malla

Inspirational

1 Minutes   7.2K    8


Content Ranking

ଯା' ଭୋଗିଯା ନିଜକୁ

ମୁକ୍ତ ହୋଇଯା, ନିଜେ ନିଜେ

ଯେମିତି ମୁକ୍ତ ଥିଲୁ

ମାଆ ପେଟରୁ

ମାଟି ଦେଖିଲା ବେଳକୁ ।

ଖୋଲିଦେ ଆଭରଣ ସବୁ

ଆଉଟା ଖରା ରଙ୍ଗର ଦେହରୁ

ହଟେଇଦେ - ସୁନାଜରି, ପାଟପିତାମ୍ବରୀ

ଭୋଗିଯା, ଭୋକକୁ- ଭୂଗୋଳକୁ

ଦେହକୁ - ଦେହର ଦାହକୁ ।

ଅନେକ ଯୁଗ ମୁକ୍ତ ଥିଲୁ

ଖୋଲାବୁଲୁଥିଲୁ,

ଜଂଗଲରେ ଘୁରି ଘୁରି

ପତ୍ର ଆଉ ବଳ୍କଳରେ

ଦେହ ଢାଙ୍କୁ ଥିଲୁ ,

କିଏ ତୋତେ ପିନ୍ଧାଇଲା

ମର୍ଯ୍ୟାଦାର ନକଲି ଗହଣା

ଢାଙ୍କିଦେଇ ଲାଜର ଓଢଣା

ନିତି ନିତି ବତାଇଲା

ମୃତ୍ୟୁ ର ଠିକଣା

ମୁକ୍ତ ମନ ହେଲା ବାଟ ବଣା ।


ଏ ସବୁ ସଭ୍ୟତାର ସ୍ବେଚ୍ଛାଚାରୀ ଖେଳ

ସ୍ବାଧାନତାର ନିବୁଜ ଶୃଙ୍ଖଳ ,

ଯା, ଚ୍ଛିନ୍ନ କର -

ତୋ ପାଇଁ ବନ୍ଦ୍ ଥିବା

ସୂରୁଜର ସ୍ବର୍ଣ୍ଣାଭ କିରଣ

ଆଉ ଅପହୃତ ସବୁଜ ସକାଳ ।

ଯା, - ମହାମୁକ୍ତିର ସ୍ବାଦ ଚାଖ୍ ଆଉ ଥରେ

ଯେମିତି - ଫୁଲଟିଏ ଖିଲିଖିଲି ହସେ ପବନରେ

ଯେମିତି ଝରଣାଟି ଗୀତ ଗାଏ

ପାହାଡ ଛାତିରେ,

ଯା, - ଆଉ ଥରେ ମୁକ୍ତ ହୋଇଯା -

ଭ୍ରମରର ବାହୁ ବେଷ୍ଟନୀ ରେ

ଯେମିତି ଥିଲୁ ଆଦ୍ୟ ସର୍ଜନାର

ପ୍ରଥମ ସକାଳେ ।



ଭକ୍ତ ଚରଣ ମଲ୍ଲ 

ଆଦିମ ଝରଣା ମୁକ୍ତ

Rate the content


Originality
Flow
Language
Cover design

Comments

Post


Some text some message..