ଛତା କରିଛି ମୁଁ ସାରୁ ପତର

ଟିପି ଟିପି ଝରେ ବରଷା ଧାର ,

ଛତା କରିଛି ମୁଁ ସାରୁ ପତର ।

ଆହା କି ମିଠା ,ପାଣିର ଛିଟା 

ଭାସିଯାଏ ମୋର ଡଙ୍ଗା ଦୁଇଟା ।

ବେଙ୍ଗ ବେଙ୍ଗୁଲୀଏ ଗାଆନ୍ତି ଗୀତ ,

ବରଷାଟି ପରା ତାଙ୍କରି ମିତ ।

ମାରନ୍ତି ଡିଆଁ ,ଆପଣା ଛାଆଁ

ଆଗରୁ ସେ ଲୁଚି ଥାଆନ୍ତି କିଆଁ !!

ସୁରୁଜଟି ଦୂର ଆକାଶେ ଥାଇ ,

ନଦୀ ସମୁଦ୍ରର ପାଣିକୁ ନେଇ ।

ବଉଦ କରି ,ଥାଏ ସେ ଧରି

ଶୀତଳ ହୋଇଲେ ପଡ଼ଇ ଝରି ।

କହୁଥିଲା ଭାଇ ବୁଝାଇ ଏହା ,

ବରଷା ଧାରାଟି ସବୁରି ସାହା ।

ତାହାରି ପାଇଁ ,ସବୁଜ ଭୂଇଁ 

ଜୀବଜଗତ ଯେ ଅଛନ୍ତି ଜୀଇଁ ।