ଅଜ୍ଞାନ ନାଶ

ବିଦ୍ୟାଦାତା,ଗଜାନନ-ଗଣେଶ ,

ପ୍ରଣାମ ଜଣାଏ ମୁହିଁ ଅଶେଷ ।

ଜ୍ଞାନର ଭଣ୍ଡାର-ହେ ବିଘ୍ନହର୍ତ୍ତା ,

ଅଖିଳ ବିଶ୍ବର କଲ୍ୟାଣ କର୍ତ୍ତା ।

ତୁମ ପାଦେ ଏହି ବିନତି କରେ ,

କୃପା ବରଷାଅ ବାରେ ମୋ ପରେ ।

ଅଜ୍ଞାନ ମୋହର ଯେତେକ ନାଶ ,

ହୃଦୟରେ ପଭୁ କର ହେ ବାସ ।

ଦିଅ ବିଦ୍ୟା,ବୁଦ୍ଧି,ଜ୍ଞାନ-ଗୋସାଇଁ ,

ଆନ କେଉଁଥିରେ ଶରଧା ନାହିଁ ।

ଦିଅ,ଦିଅ ନାଥ-ଦିଅ ଆଶିଷ ,

ଦାଉ ନ ସାଧୁ ଏ ବିଷୟା ବିଷ ।

ତୁମ ପରସାଦୁ ସଙ୍କଟ ଯାଉ ,

ମନ ସଦା ତୁମ ଚରଣେ ଥାଉ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।