ବିଦ୍ୟା ଦାତ୍ରୀ ମାଆ ବୀଣାପାଣି
ବିଦ୍ୟା ଦାତ୍ରୀ ମାଆ ବୀଣାପାଣି
ରତ୍ନ ଆଭୁଷଣୀ ମାଆ'ବୀଣାପାଣି
ବାଗ୍ଦେବୀ ସରସ୍ଵତୀ
ମାଘ ଶୁକ୍ଳପକ୍ଷ ଆବାହନ ଦିନ
ଆଜି ଶ୍ରୀପଞ୍ଚମୀ ତିଥି ! 1!
ବିଦ୍ୟାଦାତ୍ରୀ ମାତା ମର୍ତ୍ତ୍ଯେ ତବ' ଧ୍ଵଜା
କଣ୍ଠ ଅଭୁଷଣା ସୁତା
ବିଦ୍ୟାର୍ଥୀ ଶିକ୍ଷାର୍ଥୀ ଗୁରୁମା ଗୁରୁଜୀ
ସଭିଙ୍କର ସୁନା ମାତା ! 2!
ତବ ପାଦପଦ୍ମ ଶୁଭ୍ରକାନ୍ତି ବେଶ
ତ୍ରୀପୁରେ ଅର୍ଜିଛି ଖ୍ଯାତି
ପାଦରେ ଅଳତା କଟିମାଳା ସୂତା
ଗଳାରେ ମୁକୁତା ମୋତି ! 3 !
କଜଳେ ପୂରିତ ନୟନ ଯୁଗଳ
ନାସାରେ ଶୋଭିତ ଗୁଣା
କର୍ଣ୍ଣରେ କୁଣ୍ଡଳ ଝରା ଶେଫାଳିତ
ହସ୍ତେ ଶୋଭାପାଏ ବୀଣା ! 4!
ଶୁଭ୍ରା ବର୍ଣ୍ଣବେଶା ହେ' ମାଆ ଶର୍ମିଷ୍ଠା
ଦିଅ ମାଆ ଶୁଭ ଆଶିଷ
ବିଦ୍ୟାବୁଦ୍ଧି ଅର୍ଜି ଭାବେ ଯିବୁମଜ୍ଜି
ଓଠରୁ ଝରିବ ହସ ! 5!
ଶୁଭ ଅବସରେ ଆସ ମାଆ ସରାଗେ
ଢାଳିବୁ ଭକତି ଅର୍ଘ୍ୟ
ଶୁଭ୍ର ପୁଷ୍ପ ଯେତେ ସମର୍ପିବୁ ସେତେ
ଉଚ୍ଛୁଳି ପଡିବ ମର୍ତ୍ତ୍ୟ ! 6!
ଜଗତ ଜନନୀ ମାଆ ବୀଣାପାଣି
ରତ୍ନପ୍ରସୁ ସରସ୍ଵତୀ
କବି କଣ୍ଠେ ବସି କହୁ ଥିବ ନିତି
ଲେଖନୀ କୁହୁକ ଜ୍ୟୋତି ! 7!
ହସ୍ତେ ପୁଷ୍ପାଞ୍ଜଳି ବନ୍ଦାପନା ଥାଳି
ମହାର୍ଘ୍ୟତିଥି'ର ସ୍ମୃ୍ତି
ହେ'ମାଆ ବିଜୟା କର ବାରେ ଦୟା
ଅଚିରେ ବଢିବ ପ୍ରୀତି !8!
ସଦାନନ୍ଦ ସାହୁ , କାରା କାର୍ମଚାରୀ , ଚୌଦ୍ଵାର , କଟକ