ମନ ଅନୁପମ
ମନ ଅନୁପମ
ଅନୁପମ ତୁମେ ଉପମା ଭୂବନେ
ଅନୁପମ ଚକାଆଖି,
ଅନୁପମ ତୁମ ଶିରିକ୍ଷେତ୍ର ଧାମ
ଉପମା ଜଗତ ସାକ୍ଷୀ ॥
ଅନୁପମ ତୁମ ଉପମା ନିଳୟ
ଅନୁପମ ଚାରିଦ୍ୱାର,
ଅନୁପମ ସେହି ବାଇଶି ପାହାଚ
ଅନୁପମ ହାଣ୍ତିଶାଳ ॥
ଅନୁପମ ଦିଶେ ପତିତପାବନ
ଅନୁପମ ମୁଖଶାଳା,
ଅନୁପମ ତୁମ କଳପ ବଟ ଯେ
ଅନୁପମ ଗଳା ମାଳା ॥
ଅନୁପମ ତବ ରତ୍ନ ସିଂହାସନ
ଅନୁପମା ଦେବଦାସୀ,
ଅନୁପମ ଘର ଆନନ୍ଦ ବଜାର
ଉପମାର ବାରଣାସୀ ॥
ଅନୁପମ ସଦା ତବ ବଡଦାଣ୍ତ
ଅନୁପମ ମୁଖଶାଳା,
ଅନୁପମ ତବ ଗରୁଡ ଖମ୍ବ ଯେ
ଅନୁପମ ତୁମ ବେଢା ॥
ଅନୁପମ ତୁମ ପାର୍ଶ୍ୱ ଦେବାଦେବୀ
ଅନୁପମ ତବ ରଥ,
ଅନୁପମ ତବ କୋଇଲି ବୈକୁଣ୍ଠ
ଅନୁପମ ପାର୍ଶ୍ୱ ମଠ ॥
ଅନୁପମ ଦିଶେ ତବ ଶ୍ରୀ ମନ୍ଦିର
ଉପମା ବୃନ୍ଦାବନରେ,
ଶରଧା ବାଲିର ରୂପ ଅନୁପମା
ଶୋହେ ଉତ୍କଳ ମାଟିରେ ॥
-----ଗୈାରାଂଗ ଚରଣ ବେଉରା-----
----ଶିକ୍ଷକ କୁଲିଆମାଲ ଉଚ୍ଚ ବିଦ୍ୟାଳୟ----