ନଷ୍ଟଚରିତ୍ର
ନଷ୍ଟଚରିତ୍ର
1 min
148
ଚାଲିଯାଇଛି ବିଭୋର ହେବାର ବେଳ ,
ଏବେ ତ ବାକି ଖାଲି ଦଂଶନର ।
ଦେଖ କେତେ ଦେଖିବୁ
ନାରୀ ଆଖିରେ ସମୁଦ୍ର ,
ଏବେ ଢେଉ ଲଙ୍ଘିବ ତା ସୀମା
ବୁଡ଼େଇ ମାରିବ ତତେ ।
ନିର୍ଲଜ ଆଖି ଇସାରାରେ
ଯେତେ କରିଛୁ କ୍ଷତ ବିକ୍ଷତ ,
ସେଇ ଆଖିକୁ ଟାଣି ଆଣିବାର
ସମୟ ଏବେ ଅବଗତ ।
ଯେଉଁ ଲାଞ୍ଛନା କାଳିମାରେ ଭରିଦେଇଛୁ
ସେଇ କଳାରେ
ତୋ ମୁହଁ ରଙ୍ଗିବାର ବେଳ ।
ଯୁଗଯୁଗରୁ ପୁରୁଷତ୍ୱର
ଡେଙ୍ଗୁରା ବଜାଇ
ନାରୀକୁ ତଳିତଳନ୍ତ କରୁଥିବା
ସେଇ ସଜ୍ଜନ ପୁରୁଷର ଓଭରକୋଟ ଭିତରୁ
ତତେ ଟାଣିଆଣିବାର ବେଳ ।
ଆଜାନୁ ଲମ୍ବିତ କେଶରାଶିରେ
ଖେଳିବା ବେଳ ସରିଲା ତୋର
ଏବେ ତ ସେଇ କେଶରାଶିରେ
ତୋର ଶ୍ୱାସରୁଦ୍ଧ କରିବାର ବେଳ ।