ଆସିଛି ମକର
ଆସିଛି ମକର
1 min
7.0K
ଆଜି ପରା ଅଟେ ମକର
ଦିନ ଆଜିଠାରୁ ବଡ଼ ହେବ ପରା
କମିବ ଆୟୁଷ ରାତିର ।
ମକର ରାଶିରେ ସୂରୁଯ
ପରିବେଶ ହେଲେ ଧୀରେ ଧୀରେ ତାଙ୍କ
ପ୍ରଖର ହୋଇଯିବ ତେଜ
ପ୍ରାତଃକାଳୁ ସ୍ନାନ ତର୍ପଣ
ସମାପନ କରି ସଭିଁଏ କରନ୍ତି
ଭକ୍ତିଭରେ ରବି ପୂଜନ ।
ଅରୂଆ ଚାଉଳରେ କ୍ଷୀର
ଗୁଡ଼, ଦହି, ଅଦା ସହିତ କର୍ପୂର
ମିଶିଲେ ସୁଆଦ ଅପାର ।
ଇଏ ଗୁଡ଼ି ଉଡ଼ା ପରବ
ପିଲାଠାରୁ ବଡ଼ ଗୁଡ଼ି ଉଡାଇଣ
ଖୁସି ଲଭନ୍ତି ଅପୂରୁବ ।
ନାନା ରଙ୍ଗର ଗୁଡ଼ିମାନ
ଆକାଶରେ କେଡେ ଦିଶଇ ସୁନ୍ଦର
ସତେ ରଙ୍ଗିନ ବିହଙ୍ଗମ ।
ମକର ବିଭିନ୍ନ ନାମରେ
ପୋଙ୍ଗଲ, ବିହୁ, ଲୋହଡ଼ି ଓ ଖିଚିଡ଼ି
ନାମେ ପାଳିତ ଭାରତରେ ।