ମୁଁ ଗଛଟିଏ
ମୁଁ ଗଛଟିଏ
ଗଛଟିଏ ମୁହିଁ ଗଛଟିଏ
ଫଳରେ ମୋହର ମଞ୍ଜିଟିଏ ।
ମଞ୍ଜିରୁ ବାହାରେ ଗଜାଟିଏ
ଗଜା ବଢିହୁଏ ଗଛଟିଏ ।
ଯତନ କଲେ ସେ ବଡହୁଏ
ଡାଳ ପତ୍ର ଫୁଲ ଫଳ ଦିଏ ।
ପତ୍ର ଫଳ ଫୁଲ ଔଷଧ ହୁଏ
କେତେ ପଶୁ ପକ୍ଷୀ ଆଶ୍ରା ଦିଏ ।
ମୋଠାରୁ ପାଇବ ଛାଇଟିକେ
ଖରା ଗରମରୁ ତ୍ରାହି ଟିକେ ।
ଅଙ୍ଗାରକାମ୍ଳ ମୁଁ ଶୋଷିନିଏ
ବଦଳେ ଅମ୍ଳଜାନ ଫେରାଏ ।
ବରଷା ପାଇଁ ଭରଷା ହୁଏ
ନଦୀ କୂଳେ ତା ସୁରକ୍ଷା ଦିଏ ।
ବଞ୍ଚିଥିବା ଯାଏ ସବୁ ଦେବି
ମଲେ କାଠର ଜାଳେଣି ହେବି ।
ଘର ତିଆରି ରେ ମୁଁ ଲାଗିବି
ବାଡି ଖଣ୍ଡେ ହାତେ ସାଥୀ ହେବି ।
ସଂଯୋଗ ପାଇଁକି ସେତୁ ହେବି
ଲଢେଇ ପାଇଁ ମୁଁ ଅସ୍ତ୍ର ହେବି ।
ମତେ ଯିଏ ଟିକେ ଯତ୍ନ ଦିଏ
ଋଣୀ ନରହିବି କଥା ଦିଏ ।