ସରଳ ଜୀବନ, ଉଚ୍ଚ ଚିନ୍ତା ହେଉ
ସରଳ ଜୀବନ, ଉଚ୍ଚ ଚିନ୍ତା ହେଉ
ସରଳ ଜୀବନ, ଉଚ୍ଚ ଚିନ୍ତା ହେଉ
ପର୍ଶୁରାମ ବିଶ୍ୱାଳ
ହେ ମହାବାହୁ ! ଦୂରିତ ନାଶନ ହେ ପ୍ରଭୁ ଚକାନୟନ
ସରଳ ଜୀବନ, ଉଚ୍ଚ ଚିନ୍ତା ହେଉ ଓଡ଼ିଆର ଗଣ୍ଠିଧନ
ଏତିକି କରୁଣା କଲେ ଦୟାମୟ
ଏ ଜାତି ହବ ମହାନ ।
ଖାତିରିକି ଆଖି ଆଗରେ ରଖିଣ ଚାଲେ ସବୁ କାମ ଏଠି
ବାହାଘର, ଭୋଜିଭାତ ଯାହା ସବୁ ନିଜେ ନେଏ ତୁ ପରଖି
ମଦର ରାଜୁତି ଦେଖୁଚୁ ତୁ ପ୍ରଭୁ
ଇଏ ସେ ସମ୍ଭ୍ରାନ୍ତ ଚିହ୍ନ ।
ବଞ୍ଚିଥିଲାବେଳେ ବାପା ମନେ ନାହିଁ, ତା ଗଲା ଏଗାର ଦିନ
ପାଞ୍ଚ ଦଶଖଣ୍ଡ ଗାଆଁକୁ ନିମନ୍ତା, ପୁଅ ହୁଏ ଧନ୍ୟଧନ୍ୟ
ଦେଖେଇହବାର ମୋହଟି ତୁଟୁନି
ଉଚ୍ଚ ଚିନ୍ତା ଏଠି ଶୂନ ।
ଭକତି ନଥାଉ, ଆଡ଼ମ୍ବର ଛାଡ଼ି ହୁଏନା ଠାକୁର ପୂଜା
ଭସାଣି ଜମିବ ନାହିଁ ମହାପ୍ରଭୁ ନବାଜି ରୋଶଣି ବାଜା
ଏ ଖାତିରି ପଛେ ଗୋଡ଼େଇଚୁ ନିତି
ଖୋଜି ଖୋଜି ଯାଏ ଦିନ ।
ଆସିଲେ କାଲାମ, ଦେଖିଲା ଓଡ଼ିଶା, ଖୋଜିଲେ ସାଦା ଚଉକି
ଏତେ ବଡ଼ ହେଇ ସରଳ ଜୀବନ ବିଶ୍ୱାସର ସିଏ ସାକ୍ଷୀ
ଖାତିରି ସୁଅରେ ପହଁରେ ଓଡ଼ିଶା
ଦେଖୁଚୁ ତୁ କଳାଦିଅଁ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****