କର୍ମ
କର୍ମ
ଜୀବନର ମର୍ମ ଅଟେ ସିନା କର୍ମ ଯା ଲାଗି ଜୀବନ ଧନ୍ୟ
କର୍ମ ହିଁ କେବଳ କରଇ ପ୍ରବଳ ମୁକ୍ତିପଥ ଜ୍ୟୋତିପୂର୍ଣ୍ଣ ।
କରମର ଫଳେ ଜୀବ ପରମରେ ପାରଇ ଅଚିରେ ମିଶି
କେବଳ କର୍ମ ହିଁ ସହଜେ ଫାଙ୍କଇ ଜନ୍ମ ଲକ୍ଷେ ଚୌରାଅଶି ।
କର୍ମର ମହତ୍ବ ଗୀତା, ଭାଗବତ ବେଦ ବେଦାନ୍ତ ହିଁ କୁହେ
କର୍ମ ଦୁଇଭାଗେ ଜୀବକୁ ସରାଗେ ସଦା ଫଳାଫଳ ଦିଏ ।
ଫଳାଶା ସହିତ କର୍ମକୁ ବିହିତ ସକାମ କୁହନ୍ତି ସୁଧି
ଫଳାଶା ରହିତ କର୍ମରେ ନିହିତ ଗୁଣଧର ଗୁଣନିଧି ।
ଜୀବ-ପରମର ମିଳନର ଧାର ଭରଷେ ଯଦି ଏ ମର୍ମେ
କାହିଁକି ଏ ଜୀବ କରୁନି ସମ୍ଭବ ପ୍ରାପ୍ତି ଏ ନିଷ୍କାମ କର୍ମେ ?