ଦେଶସେବା ଲାଗି ପ୍ରେରଣା ଦିଅ
ଦେଶସେବା ଲାଗି ପ୍ରେରଣା ଦିଅ
ସୁରେନ୍ଦର ସାଏ-ସୁଭାଷ ବୋଷ ,
ତୁମେ ଏ ମାଟିର ମହାପୁରୁଷ ।
ପୁତ୍ର ପଣେ ସତେ ତୁମକୁ ପାଇ ,
ଏଇ ଦେଶ ଧନ୍ୟ ଯାଇଛି ହୋଇ ।
ଅନେକ ବରଷ ଗଲାଣି ବିତି ,
ଜନମି ଏ ଦେଶେ ରଖିଛ କୀର୍ତ୍ତି ।
ନିଜ ସ୍ୱାର୍ଥ ଭୁଲି ଅନ୍ୟର ହିତେ ,
ଅହର୍ନିଶ ତୁମେ ଲାଗିଛ କେତେ ।
ଗୋରା ସରକାର ତଡ଼ିବା ଲାଗି ,
କେତେ କ୍ଳେଶ ତୁମେ ଅଛଟି ଭୋଗୀ ।
ହିସାବ କରିଲେ ସରିବ ନାହିଁ ,
ଆଜି ଦେଶ ମୁକ୍ତ ତୁମରି ପାଇଁ ।
ତୁମରି ନିଃସ୍ୱାର୍ଥ ଉଦ୍ୟମ କ୍ରମେ,
ସ୍ୱାଧୀନତା ସ୍ୱାଦ ଚାଖୁଛୁ ଆମେ ।
ଏତେ ସୁଖ ଶାନ୍ତି ଦେଶକୁ ଦେଇ ,
ଚାଲିଗଲ ତୁମେ ହେ ବୀର କାହିଁ !
ଯେଉଁଠି ରହିଛ ସୁଖରେ ଥାଅ ,
ଦେଶସେବା ଲାଗି ପ୍ରେରଣା ଦିଅ ।
ତୁମରି ଦାୟାଦ ଆମେ ତ ସବୁ ,
ଏଇ ଦେଶ ହିତେ ଜୀବନ ଦେବୁ ।।