ନାଲି ସୂରୁଯର ଟହଟହେ ତୁମେ
ନାଲି ସୂରୁଯର ଟହଟହେ ତୁମେ
ନାଲି ସୂରୁଯର ଟହଟହେ ତୁମେ
ଆଭାକାନ୍ତ ମହାନ୍ତି
ନାଲି ସୂରୁଯର ଟହଟହେ ତୁମେ
ମହମହ ଫୁଲ ବାସ,
ମୁଁ ବାଇଆ ଗୁଣୁଗୁଣୁ ମହୁମାଛି
ପ୍ରେମଛନ୍ଦେ ଅଧିବାସ । ୦ ।
ସାଉଁଳା ସାଉଁଳା କଥାରେ କଥାରେ
ମୁଁ ମଗନ ରୁହେ ତୁମରି ଚିନ୍ତାରେ,
ବାଉଳା ବାଉଳା ମଳୟରେ ମଜ୍ଜି
ଭାବୁଛ ଯିବ କି ଅନନ୍ତରେ ହଜି,
ତେବେ ପ୍ରିୟା କିଆଁ ମନମତାଣିଆ
ପ୍ରେମଛନ୍ଦେ ଆଦିରାସ ? । ୧ ।
ଗହଗହ ଏଇ ଗହଳିରେ ସତେ
ତୁମେ ରହିଛ ମୋ ହୃଦୟେ ଏକାନ୍ତେ,
ଲହରେ ଲହରେ ହୋଇ ମୁହାଁମୁହିଁ
ଆୟୁଷ ସୀମାରେ ଯିବା ସାଥୀ ହୋଇ,
ପହଁରି ରହୁ ଗୋ ଆମରି ଆସିବା
ଉକୁଟାଇ ରାକା ହସ । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****