ହେ ଦରଦୀ ବନ୍ଧୁ
ହେ ଦରଦୀ ବନ୍ଧୁ
ହେ ଦରଦୀ ବନ୍ଧୁ-ମୋ ପ୍ରତି ଦରଦ
ତୁମର କି ଆଉ ନାହିଁ ,
ଭାଙ୍ଗିଗଲା ବେଳେ ତୁମ ଆଶ୍ୱାସନା
ଖୋଜିଲେ ମିଳୁନି କାହିଁ !
ଆପଣାର ହୋଇ ମୁହଁ ମୋଡ଼ିଦେଲେ
ହୃଦୟକୁ ହୁଏ ବାଧା ,
ବିପଦେ ଆପଦେ ପଡ଼ିଗଲା ବେଳେ
ମନେପଡ଼ ତୁମେ ସଦା ।
ଖୋଜି ବୁଲେ ତୁମ ଆଶ୍ବାସନା ଟିକେ
ଆସିଯାଏ ଯେବେ କୋହ ,
ହୁଏତ ଏହାକୁ କହିପାର ତୁମେ
ଇଏ ମୋର ତୁଚ୍ଛା ମୋହ ।
ସଂସାରୀ ହୋଇ ମୁଁ ଅଛି ଏ ସଂସାରେ
ତା' ନିୟମେ ହୋଇ ବନ୍ଧା ,
ମନ-ପ୍ରାଣ ଦେଇ କରୁଅଛି ପରା
ତୁମ ନିର୍ଦ୍ଦେଶିତ ଧନ୍ଦା ।
ତଥାପି କାହିଁକି ତୁମେ ବେ-ଦରଦୀ
ମୋ ଠାରୁ ରହୁଛ ଦୂରେ ,
ତୁମ ବିନା ମୁଁ ଯେ ପୂରା ହତଶିରି
ନିରେଖିକି ଦେଖ ବାରେ ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।