ଆସିଛି ନୂଆ ବରଷ
ଆସିଛି ନୂଆ ବରଷ
ଆସିଛି ନୂଆ ବରଷ
ରମେଶ କୁମାର ସାହୁ
ନୂତନ ଆଲୋକ ଉଦ୍ଦୀପନା ନେଇ
ଆସିଛି ନୂଆ ବରଷ ,
ପୁରୁଣା ବର୍ଷଟି ବିଦାୟ ନେଉଛି
ନରଖି ମନରେ ରୋଷ ।
ଉତ୍ତର ଦିଗରୁ ବହୁଛି ପବନ
ଶୀତ ଆସେ ଥିରି ଥିରି ,
ନୂଆ ବରଷ ଆସିଛି ଖୁସି ମନରେ
ବଜାଇ ଭେରି ଓ ତୂରୀ ।
ନୂଆବରଷର ପ୍ରଥମ ଦିନରେ
ସଭିଏଁ ଶପଥ ନେବା ,
ଆଜି କାର୍ଯ୍ୟ ଆଜି ସାରିଦେବା
କାଲି ପାଇଁ ନରଖିବା ।
ଗାନ୍ଧି , ଗୋପବନ୍ଧୁ , ମଧୁବାବୁଙ୍କ ପରି
ତାଙ୍କ ପଥେ ସଭିଏଁ ଯିବା ,
ଦୀନ ଦରିଦ୍ରଙ୍କୁ ସାହାଯ୍ୟ ଯୋଗାଇ
ରୋଗୀଙ୍କ ସେବା କରିବା ।
ଏହିପରି ଆସିଛି ନୂଆବରଷଟି ,
ଦୁଃଖ , ସୁଖ ସବୁ ନେଇ ,
ସୁଖ ଓ ଶାନ୍ତିରେ ରହିବା ସଭିଏଁ
ପ୍ରଭୁଙ୍କ କରୁଣା ପାଇ ।