ଚିଠି ଅନାମିକାକୁ

#ଚିଠି ଅନାମିକାକୁ।

 

*

କବି ନୁହେଁ ,

ଅନାମିକା ପ୍ରିୟତମା,

ସବୁବେଳେ ରହେ ସିନା

ତୋ ଭାବରେ ଚୁର,

ଶବ୍ଦ କିଛିକୁ ନେଇ

ଲେଖି ଦିଏ କିଛି ପଂକ୍ତି,

ତୁ ତାକୁ କୁହ: କବିତା ସମ୍ଭାର

କିନ୍ତୁ ମୋ ଲାଗି 

ସେ ଅନୁଭୂତି

#ନିର୍ବାସନରବେଦନା-----!

**

ପ୍ରତିତ ଚିତ୍ରଟିଏ ତୋର ଆଙ୍କିଥିଲି,

ହୃଦୟେ,

ମାଗିଲି ତତେ ଛାଡି ଯିବା ଆଗରୁ 

ମୋ ପରିଚୟ,

ତୋ ନୀରବତା ଯେ ଥିଲା ଅସହ୍ୟ,

ତେଣୁ କହିଲି,

ଯିବୁ ତ ଯିବୁ,ଯା ଚାଲି,ମୋ ଭଳି ପ୍ରେମିକ ଖୋଜିଲେ ସାରା ଜଗତେ,

ପାଇବୁ ନି କେବେ,

ଯିବୁ ତ ଯା,-----------!!

***

ସାତଟି ଦୀପ ଜାଳି ଭସାଇ ଦେଲି

ଗତକାଲି, 

ଝଞ୍ଜାବତୀର ବଢ଼ିପାଣିର ମଝି ସୁଅରେ,

ଏ ଜନମେ ସିନା କଲୁ ତୁ ସାତପର,

ଆଗାମୀ ,

ସାତଟି ଜନ୍ମକୁ ମାଗିନେଲି

ତତେ,

ନିରଦ,ଅନଳ,ଆକାଶ, ,

ପୃଥିବୀ,ବାୟୁ, 

ଇତ୍ୟାଦି,ପଞ୍ଚତତ୍ଵଙ୍କୁ 

ବେଳ ବୁଡ଼ିଲା ବେଳେ

ଅଭୁଲା ତୁ, ଅଭୁଲା ରହିବୁ

ଶେଷ ନିଶ୍ୱାସ ମୋର ମାଟିକୁ 

ଶେଷଥର,ଚୁମିବା ପର୍ଯ୍ୟନ୍ତ,

#ଅନାମିକା 

ଯେ ତୁ ପ୍ରିୟତମା ମୋର------!!!

 

କାଶ୍ୟପ,ରାୟଗଡା,