ଆହେ ପ୍ରଭୁ ଜଗନ୍ନାଥ
ଆହେ ପ୍ରଭୁ ଜଗନ୍ନାଥ
ସାରା ଜଗତକୁ ଚଳାଉଛ ତୁମେ
ଆହେ ପ୍ରଭୁ ଜଗନ୍ନାଥ,
କରୁଣା କର ହେ ଏହି ଭକତକୁ
ଟାଣିବାକୁ ଦିଅ ରଥ ।
ବଡ଼ଦାଣ୍ଡେ ବସି ତୁମରି ନାମକୁ
ଜପୁଥିବି ମୁଁ ଅନ୍ତରେ,
ଭାବ ଦୁନିଆରେ ରଖିଥିବ ପ୍ରଭୁ
ଭକତକୁ ହୃଦୟରେ ।
ଅଧମ ବାଳକ କିଛି ଜାଣିନାହିଁ
ଭଜୁଛି ତୁମରି ନାମ,
ତୁମରି ହୃଦୟେ ରଖିଦିଅ ମୋତେ
ତୁଣ୍ଡେ ଥାଉ ତୁମ ନାମ ।
ନାମ ଜପି ଜପି ଦିନ ବିତେଇବି
ନ କରିବି ମୁହିଁ ହେଳା,
ଆନନ୍ଦ ବଜାରେ ନିର୍ମାଲ୍ୟ ପାଇ କି
ଭଜୁଥିବି ଚକାଡୋଳା ।।
କେ.ନିର୍ମଳ
ବାସୁଦେବପୁର, ଭଦ୍ରକ