କାହିଁକି ମୁଁ ସତ କହିବି
କାହିଁକି ମୁଁ ସତ କହିବି
(1)
କାହିଁକି ମୁଁ ସତ କହିବି ପ୍ରଭୁ ହେ
ତୁମ ମିଛ ଦୁନିଆରେ I
ମିଛ ଯେ କହୁଛି ସବୁ ସୁଖ ତାର
ରହୁଛି ସେ ଆନନ୍ଦରେ II
(2)
ମିଛ କହିବାର ଅଭ୍ୟାସଟା ଯଦି
ଥାଆନ୍ତା ମୋ ପିଲାଦିନୁ I
କେତେ ଯେ ସୁବିଧା ମିଳିଥାନ୍ତା ମୋତେ
ଭୁଲିଥାନ୍ତି ଦୁଃଖ ମନୁ II
(3)
'ସତ କହିବାକୁ କିଆଁ ଡରିବି' ମୁଁ
ଗାଉଥିଲି ପିଲାଦିନେ I
ସତ କହି ଆଜି ହଟହଟା ହୁଏ
କେହି ନ ଶୁଣନ୍ତି କାନେ II
(4)
'ସତ୍ୟ ନ୍ୟାୟ ପଥେ ଘେନି ଯା୍ଅ ମତେ'
କରୁଥିଲି ମୁଁ ପ୍ରାର୍ଥନା I
ସେ ପ୍ରାର୍ଥନା ଫଳ ମିଳେ ଆଜି ମୋତେ
ଖାଲି କଷ୍ଟ ଓ ଯାତନା II
(5)
ପଦେ ପଦେ ଆଜି ଭ୍ରଷ୍ଟାଚାର ଚାଲେ
ନାହିଁ କା'ର ନିୟନ୍ତ୍ରଣ I
କା' ଆଗେ କହିବି କିଏ ବା ବୁଝିବ
ନାହିଁ ମୋର ପରିତ୍ରାଣ II
(6)
ସତ୍ୟ ନ୍ୟାୟ ପଥେ ଚାଲି ଏ ଜଗତେ
ଭୋଗୁଛି କଷଣ ମୁହିଁ I
କାହିଁକି ମୁଁ ସତ କହିବି ଉତ୍ତର
ଦେବ କି ହେ ଭାବଗ୍ରାହୀ II
*******