Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mamatamanjari Das

Others

2.5  

Mamatamanjari Das

Others

ଦୁହିତା

ଦୁହିତା

1 min
12.8K


ହାତେ ନାଲିଶଙ୍ଖା ପାଦରେ ଅଳତା

ମଥାରେ ଟାଣି ଓଢଣୀ

ବାପଘର ଛାଡି ଚାଲିଯିବୁ ଝିଅ

ସାଜି ଆଉ କାହା ଘର ରାଣୀ ।

ଶାଶୁ ଶଶୁରଙ୍କୁ ଭକତି କରିବୁ

ଛୋଟଙ୍କୁ କରିବୁ ଆପଣା

ସ୍ନେହ ବଦଳରେ ସ୍ନେହ ପରଶିଲେ

ପରବି ହୋଇବେ ଆପଣା ।

ଦୁହିତା ପରାଲୋ ଦୁଇକୁଳ ହିତା

ବୁଝି ସୁଝି କାମ କରିବୁ

ସ୍ନେହ ପୀରତିରେ ସମସ୍ତଙ୍କୁ ବାନ୍ଧି

ଜଗତ ଟାକୁ ତୁ' ଜିଣିବୁ ।

ଓଢଣୀଟି ତୋର ଅଟଇ ଶାସ୍ବତ

ରଖିବୁ ତାହାର ମାନ

କଟୁକଥା କହି କେବେ ହେଲେ କା'କୁ

କରିବୁନି ଅପମାନ ।

ବାପାର ଗୌରବ ସ୍ବାଭିମାନ ଥାଏ

ତା'ଝିଅ ପଣତ ତଳେ

ଝିଅଟିଏ ଜଦି ସୁନାମ ଅର୍ଜଇ

ବାପା ଛାତି ଗର୍ବେ ଫୁଲେ ।

ବିନମ୍ରତା ଆଉ ସମ୍ଭ୍ରମ ହୋଇଲେ

ବଢିବ ମାଆର ମାନ

ଏତିକି ଯଦି ତୁ' କରିବୁଲୋ ଝିଅ

ମା' ସଂସ୍କାର ହେବ ମହୀୟାନ ।

ଯାହା ହାତ ଧରି ଏରୁଣ୍ଡି ଡେଇଁଲୁ

ସିଏ ହେଲା ତୋର ଆପଣା

ଯେଉଁଠାରେ ତୋର ସବାରୀ ରହିବ

ସିଏ ହେବ ତୋର ଠିକଣା ।

ଦୁହିତା ପରା ତୁ' ଦୁଇକୁଳ ହିତା

ରଖିବୁ ସଭିଙ୍କ ମାନ

ବଡ ମାନଙ୍କର ଆଶିର୍ବାଦ ନେଇ

ସାଂସାରିକ ଜୀବନେ ଦେବୁ ତୋ' ଧ୍ୟାନ।

    ~ମମତା ମଞ୍ଜରୀ ଦାସ ~

ପ୍ରେସ କଲୋନୀ ,ନୂଆପଡା,କଟକ


Rate this content
Log in