ସୁଯୋଗ

ସୁଯୋଗ

 

ଶରତ ଚନ୍ଦ୍ର ଦାଶ

 

ଥରୁଟିଏ ମାତ୍ର ଆସଇ ଜୀବନେ

       ସୁବିଧା ସୁଯୋଗ ବହୁ,

ହାତଛଡ଼ା ଯଦି କରିଦିଅ ତାକୁ

       ମିଳିବନି ତେବେ ଆଉ ।

 

ଦୁଃଖ ବହୁବାର ଆସଇ ଜୀବନେ

       ସୁଖ ଥରୁଟିଏ ଆସେ,

ତାକୁ ଯଦି ତୁମେ ଆପଣେଇପାର

       ହାରିବନି କାହା ପାଶେ ।

 

ବିଧାତା ତୁମକୁ ପରୀକ୍ଷା କରଇ

       ଦେଇ ଘାତ-ପ୍ରତିଘାତ,

କେତେହେଁ ସହୁଛ, କେତେହେଁ ଦେଉଛ

       ନିଘା ରଖ ଅବିରତ ।

 

ଦୁର୍ଲ୍ଲଭ ଅଟଇ ମଣିଷ ଜୀବନ

       ନଥାଏ ତା’ଠାରୁ ବଡ଼,

ସୁଯୋଗ ପାଇଲେ ଜାବୁଡ଼ି ଧରିବ

       ଭାଙ୍ଗିଯାଉ ହାଡ଼ଗୋଡ଼ ।

 

ଯୋବ୍ରା, କଟକ

ଫୋନ୍-୯୦୪୦୪୩୪୮୨୩

*****