କାଳିଆ
କାଳିଆ
(0)
ଯାହା ମୁଁ ମାଗିଛି ଯେବେ ମୁଁ ମାଗିଛି
ସବୁତ ଦେଇଛୁ ମୋତେ I
ଆଉ ମାଗିବାକୁ ଲାଜ ଲାଗେ କାଳେ
ମନା କରିଦେବୁ ମୋତେରେ କାଳିଆ
ମନା କରିଦେବୁ ମୋତେ II
(1)
ଥିଲି ଆଶା କରି ଯାଆନ୍ତି କି ପୁରୀ
ଦେଖନ୍ତି ତୋ ଶ୍ରୀମନ୍ଦିର I
ଆନନ୍ଦ ବଜାରେ ଖାଆନ୍ତି ଅବଢା
ଦେଖନ୍ତି ବଡ ସିଂହାର I
ଅଛି ମୋ ଭରସା ପୂର୍ଣ୍ଣ ହେବ ଆଶା
ବିଶ୍ୱାସ ରହିଛି ଚିତ୍ତେ I
ଯାହା ମୁଁ ମାଗିଛି ଯେବେ ମୁଁ ମାଗିଛି
ସବୁତ ଦେଇଛୁ ମୋତେ II
(2)
ତୋର ଦାଣ୍ଡ ଧୂଳି ମୋ ଦେହରେ ବୋଳି
ନରେନ୍ଦ୍ରେ କରନ୍ତି ସ୍ନାନ I
ତୋ ରଥ ଦଉଡି ମୋ ଅଣ୍ଟାରେ ଭିଡି
ଟାଣିବାକୁ ହୁଏ ମନ I
ତୁତ ଇଚ୍ଛାମୟ ଚିହ୍ନଉ ହୃଦୟ
କି କହିବି ଆଉ ତତେରେ କାଳିଆ
କି କହିବି ଆଉ ତତେ I
ଯାହା ମୁଁ ମାଗିଛି ଯେବେ ମୁଁ ମାଗିଛି
ସବୁତ ଦେଇଛୁ ମୋତେ II