ନ୍ୟାୟ
ନ୍ୟାୟ
1 min
190
ସମୟର କ୍ରୁର କରାଳ ଛାୟାରେ
ଭାବୁଥିଲ ତୁମେ ବଡ଼
ସେହି ସମୟର ଚକ୍ରରେ ଆଜିବି
ତୁମେ ହେବ ହଡ଼ବଡ଼ ।।
ନିଜ କାମନାର ଚରିତାର୍ଥ ପାଇଁ
ଏମିତି ନିଷ୍ଠୁର ହେଲ
କାମାନ୍ଧ ହୋଇଣ ଦୁଷ୍କର୍ମ କରିଣ
ଜୀବନ ମୋର ନାଶିଲ ।।
କେତେ ଯୁବତୀଙ୍କ ସଂସାର ଉଜାଡ଼ି
ଭାଙ୍ଗିଛ ସୁନା ସଂସାର
ତୁମରି ସଂସାର ରହିକି ପାରିବ
କୁହ ଆରେ କୁଳାଙ୍ଗାର ??
କେମିତି ବିହିଯେ ସହିଥାନ୍ତା କୁହ
ତୁମ ସେହି ଅତ୍ୟାଚାର
ପ୍ରେତାତ୍ମା ରୂପେ ଅତୃପ୍ତଆତ୍ମା ମୋ
ଖୋଜୁଛି ତାର ଉତ୍ତର ??
ନିଶ୍ଚେ ମୁଁ ନାଶିବି ତୁମ ଦୁହି ପ୍ରାଣ
ହୁଅନା ଅତି କାତର
ଶିକ୍ଷା ବି ପାଇବ ସମାଜ ଆମର
ଯହିଁ ନ୍ୟାୟ ପାଇବା କଷ୍ଟକର ।।