ତାଙ୍କ ସରି କିଏ ହେବ

କାଖେ ଜଳକୁମ୍ଭ ଘେନି,

ଯାଉଛନ୍ତି ଦାଣ୍ଡେ ଗ୍ରାମ୍ୟ କାମିିନୀ-

କହି ନାନାରଙ୍ଗେ ବାଣୀ ।

ତାଙ୍କ ହାସ-ପରିହାସ,

ପଥଶ୍ରମ ଯେତେ କରଇ ନାଶ-

ଭାରୀ ନ ଲାଗେ କଳସ ।

ଚନ୍ଦ୍ରକଳା-ଚମ୍ପାବତୀ ,

ପିଲାକାଳୁ ଦୁହେଁ ଅଟନ୍ତି ସାଥୀ-

ଶାଶୁଘର ପାଖ ଅତି ।

ମନ ତାଙ୍କ ନିରିମଳ,

କରନ୍ତିନି କେବେ ସେ ଦୁହେଁ ଗୋଳ-

ଦୁଃଖ ସୁଖରେ ସେ ମେଳ ।

କେହି ନୁହଁନ୍ତି କା' ଅରି ,

ଦିଅନ୍ତି ଆନକୁ ସାହାଯ୍ୟ କରି-

ଆପଣା ଭାବ ସେ ଧରି ।

ଗାଆଁର ସେ ଗଉରବ,

କହନ୍ତି ଥୋକାଏ ମନର ଭାବ-

" ତାଙ୍କ ସରି କିଏ ହେବ ! "

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ