ଜୀବନ ଗୀତା-୪୦୨
ଜୀବନ ଗୀତା-୪୦୨
1 min
159
କବି ସତ୍ୟ ପଟ୍ଟନାୟକଙ୍କୁ ସମର୍ପିତ ।
ଜୀବନ କାହାଣୀ ବଖାଣି ବଖାଣି
ସମୟ ଗଡି ଗଲାଣି
ତଥାପି ବୁଝାଇ ପାରିନାହିଁ କହି
ଜୀବନ ଅଟେ ଆଠଣି ॥୦॥
ଅଧା ଅଧୂରା ଜୀବନ ପରା
ସଂପୂର୍ଣ୍ଣ ନୁହେଁ ସେ କେବେ
ପୂର୍ଣ୍ଣତା ଯିଏ ପାଇଛି ସିଏ
ଦେବତା ସିନା ଏ ଭବେ
ମର୍ତ୍ତ୍ୟରେ ନନ୍ଦନ ରଚିପାରେ ସିନା
ସେଇ ଅଧୂରା କାହାଣୀ ॥୧॥
ସ୍ୱର୍ଣ୍ଣାକ୍ଷରରେ ଇତିହାସରେ
ଝଟକେ କାଳ କାଳକୁ
ଜୀବନ କଥା ଜୀବନ ଗାଥା
ସବଳ କରେ ମୂଳକୁ
ଜୀବନର ପଥ ସରଳ ଅତୀବ
ହେଲେ ଉଠାଣି ଗଡାଣି ॥୨॥