ପିଆଜର ପ୍ରାଧାନ୍ୟ

ଅତି ହିତକର ଯେ ସ୍ଫୀତମୂଳ ପିଆଜ,

ବ୍ୟଞ୍ଜନର ରୁଚି କରେ ଯିଏ ସତେଜ,

ମନୁଜ ନିଅନ୍ତି ଯାହାର ସ୍ୱାଦର ମଉଜ,

ଉଲି ବିନା ଅସମ୍ପୂର୍ଣ୍ଣ ମସଲାଙ୍କ ରାଇଜ |୧|

ରୁଚିକର ସଜ ପିଆଜର ଯେବେ ବଢିଚାଲେ ଦାମ,

ଗଗନ ଛୁଆଁ ଦର କମିବାର ଯେବେ ନିଏନି ନାମ,

ଦୁଷ୍କର ହୁଏ ଗୃହିଣୀଙ୍କୁ ତରକାରୀ ରାନ୍ଧିବାର କାମ,

ସରକାରକୁ ମହଙ୍ଗା ପଡ଼େ ପିଆଜର ମହଙ୍ଗା ଦାମ |୨|

କେତେ ଯେ ଅଛି ଅନନ୍ୟ ପିଆଜର ପ୍ରାଧାନ୍ୟ,

ହାଣ୍ଡିଶାଳରେ ସଦା ରହିବ ଯାହାର ଆଧିପତ୍ୟ,

ଛୁଙ୍କର ଭୋକେଇବା ମହକ ଯାହା ବିନା ଅସାଧ୍ୟ,

ନିଜ ଅଭାବର ଚର୍ଚ୍ଚା କରାଇବା ଯାହା ଦ୍ୱାରା ସାଧ୍ୟ |୩|