Audio

Forum

Read

Contests

Language


Write

Sign in
Wohoo!,
Dear user,
ଜାଗ ଜଗନ୍ନାଥ ଜାଗ
ଜାଗ ଜଗନ୍ନାଥ ଜାଗ
★★★★★

© Abhakanta

Comedy

1 Minutes   20.1K    4


Content Ranking

ଜାଗ ଜଗନ୍ନାଥ ଜାଗ

 

ଆଭାକାନ୍ତ ମହାନ୍ତି

 

ଜାଗ ଜଗନ୍ନାଥ ଜାଗତିଆରରେ

       ଯୁଗ ଜଉଘରେ ଜଳେ,

କଳିପାରିବନି କାଳ କୁପ୍ରଭାବ

       ସାମ୍ପ୍ରତିକ କଳିକାଳେ !

 

ସମାଜ ସିଆଣା ସାଜି ସଜାଉଛି

       ଶିରା ଶିରା ଶଠତାକୁ,

ସୁକୁସୁକୁ କାନ୍ଦି ସଂସ୍କୃତି ସାଉଁଟେ

       ଶୁଖିଲା ସେ ସ୍ମୃତିଟାକୁ !

 

ସମ୍ପ୍ରତି ସାହିତ୍ୟ ସମୁଦ୍ର ସେପଟୁ

       ଶୋଷୁଅଛି ଶାଳୀନତା,

ଗାଇ ହୁଏନାହିଁ ଗୀତର ଗୁଣାଙ୍କ

       ଗରିମା ହେବନି ଗୁନ୍ଥା !

 

ଛଳେ ଛନ୍ଦହୀନେ ଛଟପଟ ଛାଇ

       କବିତାଟି ଛଳଛଳି,

ଗୁଣ ଗଣତିରେ ଗଣାଯାଏ କବି

       ଗରିମାର ଗୁଳୁଗୁଳି !

 

ଭଣତିଆ ଭାବ ଭଉଁରୀ ଭିତରେ

       ଭର୍ତ୍ସନା ବି ଭଜି ରହୁ,

ପରିଚର୍ଯ୍ୟା ପାଏ କବିର ପାହିଆ

       ପଦବୀ ପଖଳା ମହୁ !

 

କାବ୍ୟ କକ୍ଷା କଷା କ୍ରମାଙ୍କ କାଖେଇ

       କରୁନଥାଉ ବି କୋଳ,

କାବ୍ୟକାର, କାବ୍ୟକୁହାରେ କୁଣ୍ଠିତେ

       କିଏ କମାଇବ ଗୋଳ ?

 

ଯାହା ହେଉ ଯୁଗ, ଯିଏ ଯାହା କହୁ

       କବି ଜଗତିରେ ଜଗା,

ତର୍ଜନୀକୁ ତୋଳି ତିଆରିବ କିଏ

       ତୋଷେ ଅସନ୍ତୋଷ ପଘା ?

 

ଏ ଭାବେ ଏଡ଼ାଇ ଐତିହ୍ୟ ଐଶ୍ୱର୍ଯ୍ୟ

       ଏ ପଥର ଐରାବତ,

ସମ୍ପ୍ରତି ସମାଜେ ସଜାନ୍ତି ସତୈଳେ

       ଶାସକ ଶୋଷା ସାହିତ୍ୟ !

 

ସମାଜ ଶୋଧନ ସାଧନେ ସାହିତ୍ୟ

       ସୃଜୁନାହିଁ ସଂଜୀବନୀ,

ଗୋଟିକିଆ ଗୋଟା ପଣରେ ଗଚ୍ଛିତ

       କରେ ଗଦ୍ୟ ଗଦ ଗଣି !

 

ଏକା ଏଡ଼ାଇବ ଏଣ୍ଡୁଅପଣକୁ

       ଏତେ ଆସ୍ପର୍ଦ୍ଧା ତା କାହିଁ ?

ସଂସ୍କୃତି-ପାସୋରା ସାଜୁଛି ସମାଜ

       ଶରଶଯ୍ୟାଟିରେ ଶୋଇ !

 

ଦେଉଳ ଦୁଆରେ ଦୀନକୃଷ୍ଣ ଦାସେ

       ଦମ୍ଭେ ଗାଇବେନି ଗୀତ,

ଛନ୍ଦ ବିହୀନରେ ଛନ୍ଦାଛନ୍ଦି ହୋଇ

       ଛଳକୁଛି ଯା' କବିତ୍ୱ !

 

ଅବିଶ୍ୱାସ ନୁହେଁ, ଆଉ ଅଳ୍ପଦିନେ

       ଆଳତି ଅର୍ପିତ ମନ୍ତ୍ର,

ଆଧୁନିକତାର ଆଧାର ଆଙ୍କିବ

       ଅଦ୍ଭୁତ ଆସ୍ଫାଳ ଯନ୍ତ୍ର !

 

ଜାଣି ଜଣାଉଛି ଜାଗ ଜଗନ୍ନାଥ

       ଜାଗ ଜାଗୃତିକ ଭାବେ,

ଉଦ୍ବାର୍ଯ୍ୟ ଆକାଶେ ଉଆଁଇ ଆଣ ହେ

       ଉଚିତେ ଉଚିତ ଗର୍ବେ !

 

ନୂଆସାହି, ବିଡ଼ାନାସୀ, କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****

ଜାଗ ଜଗନ୍ନାଥ ଜାଗ

Rate the content


Originality
Flow
Language
Cover design

Comments

Post


Some text some message..