ଅବୁଝା ମନ

ରେ ଅର୍ଥ ପିପାସୁ ମନ ,

ଧାଇଁଛୁ ତୁ ଅବିରତ , ନାହିଁ ତୋ ବିଶ୍ରାମ ,

ହୋଇନୁ କି ତୁ ଯେ କ୍ଲାନ୍ତ ?

ରହି ଯା କ୍ଷଣେ, ରେ ପାଗଳା ମନ ।

ଜାଣିଛୁ, ବୁଝିଛୁ ନିଶ୍ଚୟ ,

ଆସିଥିଲୁ ଏକା , ଯିବୁ ତୁ ଏକା ,

ଯିବେ ନାହିଁ କେହି ସାଥେ ତୋର ,

ଆତ୍ମୀୟ ସ୍ବଜନ, ବନ୍ଧୁ ପରିଜନ ,

ଗଲେଣି ଦୂରେଇ ସଭିଏଁ , ତୋ ଠାରୁ ଦୂର ,ବହୁ ଦୂର ।

ସ୍ବାର୍ଥ, ଲୋଭେ ହୋଇ ତୁ ଅନ୍ଧ,

ବାଛି ନେଇଛୁ ଯେଉଁ ପଥ ,

ସେ ପଥେ ଚାଲିଛୁ ତୁ ଏକା ଏକା,

ନାହିଁ କେହି ସାଥେ ତୋର ।

ବୁଝି କି ପାରୁନୁ , ରେ ବାଇଆ ମନ ,

ଜୀବନ ର ପଥ ଯେ ଅଟଇ ଦୁର୍ଗମ ,

ମାୟା ମରୀଚିକା ଯେ ଅଟେ ସେଇ ପଥ,

ତଥାପି କରି ସେ ପଥ ଅତିକ୍ରମ ,

ହୋଇନାହୁଁ କିରେ କ୍ଲାନ୍ତ ?.....ରେ ଅବୁଝା ମନ ।