Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Romance

3  

Prasanna Kumar Madala

Romance

ପାଦ ପକାଉ ଥା' ଥିରିଥିରି

ପାଦ ପକାଉ ଥା' ଥିରିଥିରି

1 min
12.7K


ଆଲୋ ମୋ ସୁନ୍ଦରୀ ସପନର ପରୀ
ହାତେ ହାତ ଧରି ଶୀତକୁ ପାଶୋରି
ସାଥିରେ ମୋହର ପାଦ ପକାଉ ଥା' ଥିରିଥିରି ।

 
ପାହାଡିଆ ନଈ ଯାଉଅଛି ବହି
କୁହୁଡ଼ିକୁ ଚିରି ହେଉଥିବା ପାରି
ଶିଶିର ଅଧରେ ହସି ଯାଉଥିବୁ କିରିକିରି । 


ଅନ୍ଧାର ରଜନୀ ତୋ ପଣତ କାନି
ମୁହଁକୁ ଲୁଚାଇ ତଳେ ଯିବା ଶୋଇ
କାକର ମୋତି ଏ ଛିଟିକି ପଡିବ ଝିରିଝିରି । 


ଦେଖ ତା ମୁହଁରେ କଳାକାର ଚିହ୍ନ
ହେଉ ଛନଛନ ଆକାଶରେ ଜହ୍ନ
ଗୋରୀର ତନୁରେ ଚୁମି ଦେଉଥିବି ଧୀରିଧୀରି । 


କରିଛି ପୀରତି କରୁଥିବି ନିତି
ଶୀତୁଆ ପବନ ଥରାଏ ବଦନ
କେଶ ତୋ ରେଶମ ଉଡୁଥାଉ ସଖୀ ଫିରିଫିରି । 


ଉଦାସିଆ ରାତି ଥରିଉଠେ ଛାତି
ଧରିନେ କୋଳରେ ବାହୁ ଯୁଗଳରେ
ଶିହରିଯାଉଛି ତନୁମନ ମୋର ସିରିସିରି । 


ରାତି ପାହିଗଲେ ଭାନୁ ଉଦେ ହେଲେ
ପାହାନ୍ତିଆ ଖରା ପୁଇଁ ଯିବ ସାରା
ଚକା ଭଉଁରୀ ଏ ଖେଳିବା ମିତଣୀ ଘିରିଘିରି ।


Rate this content
Log in