Library
ଭାବର ଠାକୁର
ଭାବର ଠାକୁର
( ରଞ୍ଜନ କୁମାର ଵ୍ରହ୍ମା
ଶିକ୍ଷକ-CRCC, ଚିକିଟୀ ଗଡ )
ଇଛା ହୁଏ ଜଗା ତୋତେ ପ୍ରେମ କରିବାକୁ
ଭୟ ନାହିଁ ମୋର କୁଳ ଜାତିକି ।
ଖାଲି ଭୟ କରେ ତୋର ନାଲି ଅଧରକୁ
କାଳେ ଚୁର୍ ମାର ହେବି
ହାଣ୍ଡିର ହାଣ୍ଡିଏ ଛେନା ପଣା ପରିକି ।। ୧।।
ଇଛା ହୁଏ ଜଗା ତୋର ଭୁଜେ ଝୁଲିବାକୁ
ଭୟ ନହିଁ ମୋର ଘର ଦୁଆରେ ।
ଖାଲି ଭୟ କରେ ତୋର ବଡ଼ ପଣ୍ଡାଟିକୁ
ଟାଣି ଫୋପାଡ଼ି ଦେବ
ଝୁଲା ଝୁଲି ବେଶୀ ସମୟ ହେଲେ ।।୨।।
ଇଛା ହୁଏ ଜଗା ତୋର ରଥେ ଚଢ଼ିବାକୁ
ଭୟ ନହିଁ ତୋର ରଥର କାଠେ ।
ଭୟ କରେ କାଳେ ତୋର ଭକତମାନେ
ମିଛେ ଖଜା ପୁଡା଼ ଫିଙ୍ଗି
ମୋର ମୁଣ୍ଡ ଦୁ୍ଇ ଆଖି ଫୁଟାଇ ଦେବେ ।।୩।।
ଇଛା ଥିଲା ଜଗା ଆଡପେ ମଂଡପେ
ନିଇତି ନେତ୍ର ଭରି ଦେଖିବି ତୋତେ ।
ଡର ମାଡୁଥିଲା ହାତରେ ଦକ୍ଷିଣା ନଥିଲେ
ସେଇ ପଣ୍ଡା ପିଲାଟା
ମୋର ପଦ୍ମରେ ତୁଳସୀ ରଖୁ ନଥିଲା ମୋଟେ ।।୪।।
ଭାବର କାଳିଆ ଠାକୁର ବୋଲାଉ
ତାକୁ ଟିକେ ତୁ ବାଣ୍ଟନ୍ତୁ ନାହିଁ ।
ତୋ ପାଖ ଜନତା ତାକୁ ହାତେଈ ପାରିଲେ
ମୋ ପ୍ରାଣ ଦେବତା ଭାଵଗ୍ରାହୀ ବୋଲି
ଜଗତେ ସର୍ବଦା ବୋଲାଇ ପାରନ୍ତୁ ତୁହି ।।୫।।
**************
Cell no -9437858788
ranjankumarbrahma5075@gmail.com
