Library
ବର୍ଷା
ବର୍ଷା
🌦🌧🌨⛈...ବର୍ଷା...⛈🌨🌧🌦
-------------------******----------------------
ଆଷାଢ଼ ଭରିଛି ଖୁସି ଚାଷୀ ଭାଇ ମନର,
କଳା ବାଦଲର ଢେଉଭାଙ୍ଗି ବର୍ଷିଯାଏ ନୀର ।
ଚଉଦିଗ ଚହଟି ଉଠେ ଭିଜାମାଟି ବାଷ୍ନାର,
ହସି ଉଠେ ସବୁଜିମା ସବୁଜ କ୍ଷେତର ।
ହସ ଦିଏ ଅଧରେ ଅଶ୍ରୁ ଧୋଇ ଆଖିର,
ଚାଷୀଭାଇ ଭୁଲିଯାଏ କଷଣ ଗ୍ରୀଷ୍ମମଧ୍ୟାହ୍ନର ।
ଆଷାଢ଼-ଶ୍ରାବଣ ନେଇ ଆସେ ବର୍ଷାର ସମ୍ଭାର,
ବିନ୍ଦୁ-ବିନ୍ଦୁ ବାରି ଢାଳି ଭରିଦିଏ ଧରଣୀ ବୁକୁର ।
ଝରିଯାଏ ବର୍ଷା କୁରୁଳି ଉଠେ ମନ,
ଯେପରି , ଫେରିଆସେ ପ୍ରବାସୀ ଆତ୍ମୀୟ ସ୍ୱଜନ ।
ଚିହ୍ନା ଚିହ୍ନା ଲାଗେ ତାର ଅନୁଭବ ଆଉ ସ୍ପର୍ଶ,
ମନେ ଭରିଦିଏ ପୁଲକର ଅସୀମ ଉଲ୍ଲାସ ।
କଁଅଳି ଉଠି , ଚେଇଁ ଉଠେ ପିଲାଦିନ ,
ସଞ୍ଚରି ପ୍ରସରି ଯାଏ ତନୁ ବିଭୋରତାରେ ।
ମେଘ ଦେଖିଲେ ଖେଳି ଉଠେ ସଲୀଳମନ ,
ବର୍ଷାର ସେହି ଟପ ଟପ ଅପରାହ୍ନ ,
ଫୁଟିଉଠେ ଉନ୍ମାଦରେ ଅବକାଶ ଚିହ୍ନ ।
କେତେବେଳେ ଅବିରତ ନାଚି-ନାଚି ବର୍ଷିଯାଏ ,
ଆଉ ପୁଣି ଝିପି ଝିପି ଧାରା ଶ୍ରାବଣରେ ।
କେବେ ପୁଣି ହୋଇଥାଏ Rainy Day ସ୍କୁଲ-କଲେଜରେ,
ମଜା-ମସ୍ତି ହୋଇଥାଏ ଛାତ୍ରଛାତ୍ରୀଙ୍କର;
ଭିଜି-ଖେଳି ଆସୁଥାନ୍ତି ସ୍କୁଲ ଶେଷରେ ।
କୋଇଲିର କୁହୁଗାନ ଆଉ ରଙ୍ଗଝାଡେ ହଲଦୀବସନ୍ତ,
କା' କା' କାକ ପୁଣି ଘରଚଟିଆର ବୃତ୍ତାନ୍ତ ।
ବର୍ଷା ଦିନ ଭାରୀ ଡର ଚାଳଛପର ପୁଣି ମାଟିଘର ,
ଅକାଳେ ଭାଷି ଆସି କରିଦିଏ ଥରହର ।
ନିଶାର୍ଦ୍ଧ ଅମା ଅନ୍ଧକାର ଭୟଙ୍କର ପ୍ରହର ।।
- *ଦୂରଭାଷ : - +୯୧-୮୯୮୪୯୫୧୦୩୯/+୯୧-୮୭୬୩୭୫୯୩୯୮*
..........*ଅମିତ କୁମାର ପଣ୍ଡା*........
