ବେସୁରା ଗୀତି-୭୫୩
ବେସୁରା ଗୀତି-୭୫୩
ମନେ ପଡେ ଆଜି ପହିଲି ଅଷାଢ
ପହିଲି ପ୍ରୀତିର ଛୁଆଁ
ଛୁଇଁ ଦେଲା ଯେବେ ବର୍ଷାର ଛିଟା
ଲାଗିଗଲା ଦେହେ ନିଆଁ ॥
ସେଇ ନିଆଁ ଆଜି ଜଳୁଛି ଜାଳୁଛି
ଜାଳେ ମୋତେ ନିତି ନିତି
ଦରସିଝା ହୋଇ ପଡିଛି ମୁଁ ଆଜି
ପଥର କରିଛି ଛାତି ॥
ଜାଣେନା କାହିଁକି ବରଷାରେ ଆଜି
ଭିଜି ମୁଁ ପାରୁନି ଜମା
ହୃଦୟ ମୋ ଆଜି ପଥର ପାଲଟେ
ପେଟକୁ ଯାଉନି ଦାନା ॥
ନିତି ନିତି କେତେ ଅଘଟଣ ଘଟେ
କାରଣ ପାଉନି ଖୋଜି
ବର୍ଷା ମୋହର ଏତେ ଆପଣାର
ତଥାପି ପାରୁନି ଭିଜି ॥
ଭିଜିଗଲେ କାଳେ ହୃଦୟର ଗତି
ରହିଯିବ ସ୍ଥିର ହୋଇ
ସେଥିପାଇଁ ବୋଧେ ଏ ବର୍ଷ ବର୍ଷାରେ
ଥରେ ହେଲେ ଭିଜି ନହିଁ ॥