ସମୟ ସଚେତନତା
ସମୟ ସଚେତନତା
ବଡ ବଳବାନ ସମୟ ତାଠାରୁ ବଳୀୟାନ କେହି ନାହିଁ
କେବେଠାରୁ ସୃଷ୍ଟି କେବେ ହେବ ଶେଷ କେହି କହିପାରେ ନାହିଁ ।
କେତେ ଯୁଗ କେତେ ସଭ୍ୟତା ଗଲାଣି ସମୟ ରହିଛି ସାକ୍ଷୀ
ବର୍ଷ ମାସ ଦିନ ଦଣ୍ଡ ମୁହୁର୍ତ୍ତ ସମୟ ଚକ ରେ ଯୋଖି ।
ସମୟ କା ପାଇଁ ଅପେକ୍ଷା ନ କରେ ପ୍ରବହମାନ ତା ଧାରା
ସମୟକୁ କିଏ ଧରି ପାରିବ କି ଯେହ୍ନେ ନଦୀ ବାରିଧାରା ।
କର୍ତ୍ତବ୍ୟ ବଳରେ ସମୟ ବକ୍ଷରେ ପାଦଚିହ୍ନ ଟିଏ ଥାପି
ମହାମନୀଷିଏ ଦେଇ ଯାଇଛନ୍ତି ସମୟ ହାତେ ସମର୍ପି ।
ସମୟର ଡୋର ହାତେ ଧରିବାକୁ ଇଛନ୍ତି ଦାମ୍ଭିକ ଜନେ
ଜଳପରି ବହିଯାଏ କେଉଁ ଛନ୍ଦେ ବିଷର୍ଣ୍ଣ ହୁଅନ୍ତି ମନେ ।
ସରଗକୁ ଶିଢି ବାନ୍ଧିବେ ରାବଣ କିବା ଅସମ୍ଭବ ଥିଲା
କାଲି କରିଦେବା ଭାବୁ ଭାବୁ କ୍ରୁର କାଳ ଆସି ଝାମ୍ପି ନେଲା ।
କାଲିର କାମକୁ ଆଜି ସାରିଦେବା ଆଜିର କାମକୁ ଏବେ
କେତେ କାଲି ଏଇ ସମୟ ଦେଖିଛି କାଲି ହେବ ଆଜ ଯେବେ ।
ଆହେ ମହାକାଳ ସମୟ ତୁମେତ ଯମଙ୍କର ଅନ୍ୟ ନାମ
ହାତରେ ବାନ୍ଧି କେ କାନ୍ଥରେ ବା ଟାଙ୍ଗି ତୁମେ ପରା ସର୍ବ ନାମ ।