ଭଙ୍ଗାକଲମ ଓ ଅଲୋଡାଜୀବନ
ଭଙ୍ଗାକଲମ ଓ ଅଲୋଡାଜୀବନ
ଭଙ୍ଗାକଲମ ଏଜୀବନଟା ପରା
ଆୟୁଷ ସିଆଇ ଗଲାଣି ସରି
ଧୁକୁଧୁକୁ ହେଇ ଚାଲୁଛି ଏପ୍ରାଣ
ଆଉ ଅଳ୍ପକ୍ଷଣେ ଯିବ ସେ ମରି ॥
ଆଲୋଡା ହୋଇବ ସମାଜରେ ତାକୁ
ଫିଙ୍ଗିଦେବେ ଖତଗଦାକୁ ନେଇ
ଭଲକାମରେ ସେ ଆସୁଥିଲା ବୋଲି
କେହି ଭାବିବେନି ଥରୁଟେପାଇଁ ॥
ସ୍ୱାର୍ଥବାଦୀ ଏଇଦୁନିଆଟା ପରା
ଆପଣା ସ୍ୱାର୍ଥଟା ହାସଲ ହେଲେ
ଯେଝାବାଟ କାଟି ଯାଆନ୍ତି ପଳେଇ
କିଏବା ବୁଝିବ କିଏସେ ମଲେ ?
ନୂଆକଲମକୁ ସଭିଏଁ ଆଦର
କରିଥାନ୍ତି ବାଳ,ବୃଦ୍ଧ,ବନିତା
ପୁରୁଣା ହୋଇଲେ ଭାରିଦୁଃଖ ତାର
କପାଳରେ ବୋଧେ ଲେଖିଛି ଧାତା ॥
କଲମ ପରି ଏଜୀବନଦର୍ଶନ
ବୃଦ୍ଧଅବସ୍ଥାଟା ହୁଏ ଅଲୋଡା
ପୁଅବୋହୂଙ୍କର କଥା ଖତଗଦା
କୁହନ୍ତି ମରୁନି କାହିଁ ଏ ବୁଢା ॥
ଭଙ୍ଗାକଲମର କପାଳକୁ ନେଇ
ବଞ୍ଚିବାକୁ ହୁଏ ରିଫିଲି ବିନା
ଆତ୍ମାବିନା କେବେ ବଞ୍ଚେକି ଜୀବନ
ସଂସାରଟା ଖାଲି ଦୁଃଖଯାତନା ॥
ହାଏରେ କଲମ ହାଏରେ ଜୀବନ
ଦୁହିଁଙ୍କ ଭାଗ୍ୟରେ ସମାନଦଶା
ଶିକ୍ଷିତସମାଜେ ଅଶିକ୍ଷିତନୀତି
ଦେଖି ଦୁଃଖ ଲାଗେ ଉଡୁଛି ହଂସା ॥
ଶରତ ଚନ୍ଦ୍ର ଜାଲି
ତା:୧/୮/୧୮
ଶୁଭ ସକାଳ🙏🏼🙏🏼