ମନ ମୋର କଵିର ଭଣ୍ଡାର
ମନ ମୋର କଵିର ଭଣ୍ଡାର
1 min
269
ମନ ମୋର ଏକ କଵିର ଭଣ୍ଡାର
କବିତା,ଗଳ୍ପରେ ରହିଛି ସେତ ଭରପୁର l
ମନ ଆଇନାରେ ଉଠେ ନାନା ଜୁଆର
ସ୍ବପ୍ନ ହୋଇବ ମୋର ନିଶ୍ଚୟ ସାକାର l
ଏଥର ସମସ୍ତେ ମିଳିମିଶି କରନ୍ତୁ ବିଚାର
ସୁମତାମତ ଦେବା ନିହାତି ଦରକାର l
କଲମ ତୁଳିକୁ ମୋର ହାତରେ ଧରି
କାଗଜରେ ଲେଖିଦିଏ ଭାବନା ପ୍ରକାଶ କରି l
ଲେଖାରେ ଭରପୁର ମୋ କବିତା ଆସର
ସରସ ସୁନ୍ଦର ସହ ଶବ୍ଦର ଭଣ୍ଡାର l
ଲେଖନୀ ମାଧ୍ୟମରେ ଦିଏ ପରିଭାଷା
କବି ହିଁ ବୁଝିପାରେ କଲମର ଭାଷା l
ସ୍ମୃତି ପ୍ରତିଛବି ଆଙ୍କିବାରେ ନିଶା
ଭାବନାର ଅନ୍ତରାଳେ ଅଶୁମାରୀ ଆଶା l
ହଜିଯାଏ ଲେଖନୀର କୁହୁକ ସ୍ପର୍ଶରେ
ମନର ଭାବନା ରଖେ ଲେଖନୀ ମୁନରେ l