କି ଅପୂର୍ବ ଶୋଭା ଆହା ଲୋ
କି ଅପୂର୍ବ ଶୋଭା ଆହା ଲୋ
1 min
747
କଇଳାସ ପୁରେ ଚାହାଁ ଲୋ,
ମହେଶଙ୍କ ସାଥେ ମାଆ ଲୋ-
ଛନ୍ଦେ ଛନ୍ଦ ତୋଳି,ନାଚୁଛନ୍ତି ମିଳି
କି ଅପୂର୍ବ ଶୋଭା ଆହା ଲୋ ।
ଅଛନ୍ତି ସେ ଏବେ ନୃତ୍ୟରେ ମଗନ,
କରନାହିଁ ତାଙ୍କ ଆନନ୍ଦ ଭଗନ ।
ସରିଲେ କରିବା ଚରଣ ବନ୍ଦନ
କହୁ ପଛେ ନନ୍ଦୀ ଯାହା ଲୋ ।
କଇଳାସ ପୁରେ ଚାହାଁ ଲୋ,
ମହେଶଙ୍କ ସାଥେ ମାଆ ଲୋ-
ଛନ୍ଦେ ଛନ୍ଦ ତୋଳି,ନାଚୁଛନ୍ତି ମିଳି
କି ଅପୂର୍ବ ଶୋଭା ଆହା ଲୋ ।
ମୋ ସାଥିରେ ସଖୀ ଆ'ଆ ତୁ ସଅଳ,
ହର,ଗୌରୀ ପାଇଁ ଗୁଂଥୁଥିବା ମାଳ ।
ଅରଖ,ଦୁଦୁରା,ଚମ୍ପା, କନିଅର
ଆଣିଛନ୍ତି ତୋଳି ଯାହା ଲୋ ।
କଇଳାସ ପୁରେ ଚାହାଁ ଲୋ,
ମହେଶଙ୍କ ସାଥେ ମାଆ ଲୋ-
ଛନ୍ଦେ ଛନ୍ଦ ତୋଳି,ନାଚୁଛନ୍ତି ମିଳି
କି ଅପୂର୍ବ ଶୋଭା ଆହା ଲୋ ।
ବିଶ୍ରାମିଲେ ତାଙ୍କ ଚରଣ ପୂଜିବା,
ଭକତି ଭାବରେ ନାମକୁ ଭଜିବା।
ତାଙ୍କ ଆଜ୍ଞା ହେଲେ ସେବା କରୁଥିବା
ଦେବଙ୍କୁ ଦୁର୍ଲଭ ଯାହା ଲୋ।
କଇଳାସ ପୁରେ ଚାହାଁ ଲୋ,
ମହେଶଙ୍କ ସାଥେ ମାଆ ଲୋ-
ଛନ୍ଦେ ଛନ୍ଦ ତୋଳି,ନାଚୁଛନ୍ତି ମିଳି
କି ଅପୂର୍ବ ଶୋଭା ଆହା ଲୋ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।