କବିତା ଗୋ
କବିତା ଗୋ
କବିତା ଗୋ
ତୁମେ ମୋ ଖିଆଲି ମନର ଅଭିଳାଷା
ମୋ ଏକାନ୍ତ ପଣର ପ୍ରୀତି ଭାଷା
ତୁମ ଛନ୍ଦେ ଛନ୍ଦେ ଭରେ ମୋ ପୁଲକ
ତୁମ ସହ ରୁହେ ଏକା ଏକା ।
ତୁମେ ମୋ ଦରଦୀ ହୃଦର ବନ୍ଧୁଟିଏ
ତୁମେ ବୀଣାର ତାରରେ ସୁରଟିଏ
ତୁମେ ମୋ ଏକାନ୍ତ ପଣର ସାଥୀଟିଏ
ମୋ କଲମ ମୁନରେ ଆସିଯାଅ
ଯେବେ ଦୁନିଆକୁ ମୁଁ ଭୁଲିଯାଏ ।
କବିତା ଗୋ ,,,,
ତୁମେ ମୋ ଏକଲା ପଣର ସାଥୀଟିଏ
ମୋ କଲମେ ଭରି ସୁଗନ୍ଧ
ତୁମରି ଝରିଯାଅ ଯେବେ କାଗଜରେ ମୋହି ନିଅ
ମୋର ଅନ୍ତର ଆତ୍ମାକୁ ଲେଖେ
ମୁଁ କବିତା ଅକ୍ଳେଶରେ ।
କବିତା ଗୋ ,,,,
ଭର ଯେବେ ହୃଦେ ପ୍ରୀତିମୟ ବାସ୍ନା
ଲେଖେ କେତେ ପ୍ରେମ କବିତା ପୁଣି
କେତେବେଳେ ଝରିଯାଅ
ତୁମେ ନିର୍ମଳ ଭାବରେ ଲେଖେ
କିଛି ସମାଜ ସଚେତନତା ।
କବିତା ଗୋ ,,,,
ତୁମେ ଚାଲି ଗଲେ
ଉଦାସୀ ମନଟା ହୋଇଯାଏ ଏକା
ଏକା ଲେଖିଚାଲେ ଖାଲି ହୃଦୟ ବେଦନା
ଯାହା ହୁଏ ବୁକୁ ଫଟା ।
କବିତା ଗୋ ,,,,
ମୋତେ ଛାଡି ଚାଲି ଯାଅ ନାହିଁ
ମୋ ବାକି ଜୀବନଟା ପାଇଁ
ଭରିଦିଅ ରଙ୍ଗ ମୋ ଲେଖନୀ ମୁନରେ
ମୋ ବାକି ଜୀବନଟା ପାଇଁ ।
◆ମମତା ମଞ୍ଜରୀ ଦାସ,ବାଲିସାହି,କଟକ◆