Library
ରଥ ପଥ ଜଗନ୍ନାଥ
ରଥ ପଥ ଜଗନ୍ନାଥ
ଚିର ହସ ଫୁଲ ଅଶେଷ ବିଭବ
ରଥ ପଥ ଜଗନ୍ନାଥ ;
ନିଅାରା ପରବ ଏ ସୃଷ୍ଟି ର ମହକ
ଧନ୍ୟ ତୁମେ ବିଶ୍ୱନାଥ !!
ସାରା ପୃଥିବୀରେ ତୁମ ରଥ ଗଡ଼େ
ବିଜୟର ଧ୍ୱନି ଗାଇ ;
ଭାବ ବନ୍ଧନରେ ପ୍ରୀତି ପରଶରେ
ଭକ୍ତ ମନ ନିଅ ମୋହି ;
ଶ୍ରୀକ୍ଷେତ୍ର ନିବାସୀ ଉତ୍କଳର ସାଥୀ
ତୁମ ପରି କେହି ନାହିଁ !!
ବିଧି ବ୍ୟବସ୍ଥାର ତୁମେ ନୀୟମାଙ୍କ
ପ୍ରଥା ପରମ୍ପରା କର୍ତ୍ତା ;
ବାରମାସେ ତେର ପରବ ତୁମର
ଏ ଜଗତ କୁ ଦିଅ ବାର୍ତ୍ତା !!
ସମୃଦ୍ଧି ପରବ ରଥଯାତ୍ରା ସତ୍ୟ
ରଥାରୂଢ଼ ହୁଅ ପ୍ରଭୁ ;
ସଙ୍ଗତରେ ଭ୍ରାତା ଭଗିନୀ ଶୁଭଦ୍ରା
କୃପାମୟ ତୁମେ ବିଭୁ !!
ରତ୍ନସିଂହାସନୁ ଆସହେ ଓହ୍ଲେଇ
ପତିତ ଭକତ ପାଇଁ ;
ଆହାକି ହୃଦୟ ହେ କଳାଠାକୁର
ହୃଦୟ କୁ ଦିଅ ଛୁଇଁ !!
ବଡଦାଣ୍ଡେ ଭିଡ ତିନି ରଥ କୋଳ
ଜଗତେ ପଡଇ ହୁରି ;
କୋଟି ଭକ୍ତ ମୁଖେ ତଵ ନାମ ଭାସେ
ଜୟ ଜୟ ତୁମ୍ଭେ ହରି !!
ଘଣ୍ଟ ହୁଳହୁଳି ମୃଦଙ୍ଗ କାହାଳୀ
ପ୍ରକମ୍ପିତ ହୁଏ ବିଶ୍ୱ ;
ରଥ ଚକ ଗଡ଼େ ଭକତ ହସ୍ତରେ
ତୁମ କୃପା ବଳେ ସତ !!
ପୁରାଣେ ବର୍ଣ୍ଣିତ କହାଣୀ ପ୍ରତୀତ
ଅଲିଭା ସ୍ମୃତିର ଗାଥା ;
ଦାସିଆ ନଡ଼ିଆ ତୁମକୁ ବଢିଆ
କରିଥିଲ ପ୍ରୀତି ଶ୍ରଦ୍ଧା !!
ବନ୍ଧୁ ମହାନ୍ତିର ଥିଲହେ ପ୍ରିୟର
ଅତ୍ମା କଲ ତା'ର ତୃପ୍ତି ;
ଅବଢା ବ୍ୟଞ୍ଜନ ଦେଲ ହସ୍ତେପୁଣ
ଲଭିଲା ସେପୁଣ୍ୟ ଶାନ୍ତି !!
ଭକ୍ତ ସାଲବେଗ ଜାତିରେ ଯବନ
ଆହାକିତା'ଭକ୍ତି ଭାବ ;
ଯୋଜନ ଦୂରରୁ ଡାକିଲା ତୁମକୁ
ଅଟକିଲା ନନ୍ଦିଘୋଷ !!!
ଜୟ ଜଗନ୍ନାଥ ଜଗତର ନାଥ
ଜନ୍ମବେଦୀ ଭାବପ୍ରୀତି ;
ବରଷକେ ଥରେ ଯାଅ ସରାଗରେ
ମାଉସୀ ଘରକୁ ହସି !!!
ପୋଡ଼ପିଠା ଖାଇ ଆସ ପ୍ରଭୁ ଫେରି
କର୍ମବେଦୀ ଅଭିମୁଖେ ;
ରଥେ ରଥ ଯାତ୍ରା ରଥରେ ବାହୁଡା଼
ଏ ଜଗତ ଟା ଥାଉ ସୁଖେ !!
!!!!Y!!!!!!!!!!!!!!!!!!!!!!!!!!!!!!!!!?!!!!!!?!!!!!!?!!!!!!!?ସଦାନନ୍ଦ ସାହୁ ;
କାରାକର୍ମଚାରି;
କେନ୍ଦ୍ରୀୟ କାରାଗାର ;କଟକ; ଚୌଦ୍ୱାର
