ଚାଲରେ ବାଟୋଇ ଚାଲ
ଚାଲରେ ବାଟୋଇ ଚାଲ
ଚାଲରେ ବାଟୋଇ ଚାଲ
ଆଭାକାନ୍ତ ମହାନ୍ତି
ଚାଲରେ ବାଟୋଇ ଚାଲ ଜଳାଇ ଜାତି-ମଶାଲ
ଚାଲିବା ତ ଜୀବନରେ ଜଡ଼ା
ଚାଲିବା ପଥ ବନ୍ଧୁର ଘୋଟିଛି ଘନ ଅନ୍ଧାର
ବେଳ ନାହିଁ ଡରି ହେବୁ ଛିଡ଼ା
ବାଟୋଇରେ... ବାଟୋଇ
ଭୁଲିବାକୁ ହେବ ଶ୍ରମପୀଡ଼ା । ୦ ।
ଚାଲୁଛି ଜୀବନ ଜଡ଼ ଚାଲନ୍ତି ବି ଛୋଟ-ବଡ଼
ଚାଲେ ସମୟଟି ଅବିରଳ
ସମୟ-ଶୃଙ୍ଖଳେ ଗୁନ୍ଥା ରବି, ଚନ୍ଦ୍ର, ତାରା ପେନ୍ଥା
ସହଜ ବୁଝାରେ କହୁ କାଳ
ବାଟୋଇରେ... ବାଟୋଇ
ଚାଲିକୁ ରୋକିବ କା'ର ବଳ ! । ୧ ।
ଯଦି ନ ହୋଇବ ଠିଆ କିଆଁ ଜାଳି ଅହଂ-ନିଆଁ
ଠକିଚାଲିଛେ ନିଜକୁ ନିଜେ
ସ୍ୱୟେଂ ଶ୍ରେଷ୍ଠ ବୋଲି ମାନି ତେଜିଦେଇ ସ୍ୱାର୍ଥ-ଧୂନି
ସଦା କରୁଛେଁ ଅନ୍ଧାରୀ ବିଜେ
ବାଟୋଇରେ... ବାଟୋଇ
ଚିନ୍ତି ଚିହ୍ନ କର୍ମକୁ ସହଜେ । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****