ଜଗା ଆସୁାଛି

ଜଗା ଆସୁଛି ରେ ଜଗା ଆସୁଛି

ସଙ୍ଗେ ବଳଭଦ୍ର ଭଉଣୀ ସୁଭଦ୍ରା

ସୁଦର୍ଶନଙ୍କୁ ବି ଆଣିଛି

ଜଗା ଆସୁଛି ରେ ଜଗା ଆସୁଛି ॥ ୦॥

ସେନାପଟା ବେଶ ହୋଇଛି

ମଥାରେ ଟାହିଆ ନାଇଛି

ତାର ମତ୍ତଗଜ ଚାଲି ଆସେ ହଲି ହଲି

ଘଣ୍ଟୁଆଙ୍କ ଘଣ୍ଟ ବାଜୁଛି

ଜଗା ଆସୁଛି ରେ ଜଗା ଆସୁଛି ॥ ୧ ॥

ଆଲଟ ଚାମର ପଡୁଛି

ବୀର କାହାଳୀ ବି ବାଜୁଛି

ହରି ବୋଲ ହୁଳହୁଳୀର ଧ୍ଵନିରେ

ଶ୍ରୀକ୍ଷେତ୍ର ଉଠୁଛି ପଡୁଛି

ଜଗା ଆସୁଛି ରେ ଜଗା ଆସୁଛି ॥ ୨ ॥

ଦେବଦାସୀ ନୃତ୍ୟ ଚାଲିଛି

ବନାଟି ଚକର ଘୁରୁଛି

ବଡଦାଣ୍ଡେ ଖାଲି ମାଳ ମାଳ ମୁଣ୍ତ

ଉଦଣ୍ଡ କୀର୍ତ୍ତନ ଚାଲିଛି

ଜଗା ଆସୁଛି ରେ ଜଗା ଆସୁଛି ॥ ୩ ॥

ବାଇଶି ପାହାଚ ଗଲାଣି

ସିଂହଦ୍ୱାର ପାଖ ହେଲାଣି

ନନ୍ଦିଘୋଷ ତେଣେ ସଜବାଜ ହୋଇ

ଜଗାର ବାଟକୁ ଚାହିଁଛି

ଜଗା ଆସୁଛି ରେ ଜଗା ଆସୁଛି॥ ୪ ॥

ନନ୍ଦିଘୋଷେ ଜଗା ବସିବ

ତାର ଜିନିଷ ପତର ଆସିବ

ନବଦିନ ପାଇଁ ରଥରେ ଚଢି ସେ

ମାଉସୀ ଘରକୁ ଯାଉଛି

ଜଗା ଆସୁଛି ରେ ଜଗାଆସୁଛି ॥ ୫ ॥

ପ୍ରତି ବରଷ ତୁ ଆସୁଥା

ଭକତଙ୍କ ମନ ମୋହୁଥା

ଏହିପରି ଲୀଳା ଚାଲିଥାଉ ତୋର

ଏ ଦୀନ ଗୁହାରି କରୁଛି

ଜଗା ଆସୁଛି ରେ ଜଗା ଆସୁଛି ॥ ୬ ॥