ସନେଟ -୫୨

ଅନାସ୍ଥା

କବିସୌରଭ ଅନୁପ ସିଂହ ଦେବ

ରାଜା ଖଡ଼ିଆଳ

ସବଳ ନିର୍ମମେ ଶୋଷେ ଦୁର୍ବଳ ଶୋଣିତ

ପଦ ଦଳିତ କରିଛି ଏମାନଙ୍କୁ ଦୃପ୍ତ ।।

ସମାଜର ମେରୁଦଣ୍ଡ ହେଲେହେଁ କୃଷକ

ବୁଭୁକ୍ଷା-ବିଦେବ ଗ୍ରାସେ ବିଲୁପ୍ତ ବିବେକ ।।

ବ୍ୟାଧି ଦୈତ୍ୟ ଅପଘନେ ଆକ୍ରମଣ କଲେ

ନ ଥାଏ ଭେଷଜ ପାଇଁ କଉଡ଼ି ଅଣ୍ଟାରେ ।।

ନ ମିଳେ ଛିଣ୍ଡା ବସନ ଅମାଂସ ତନୁକୁ

ନେତାମାନେ ବୁଝନ୍ତି କି ତାଙ୍କରି ଦୁଃଖକୁ ?

ଗୁରୁ ପାର୍ଥକ୍ୟେ ଘୁଞ୍ଚାଇ ପାରିବକି ଲବେ

ସମାଜବାଦ ନତୁବା ସାମ୍ୟବାଦ କେବେ ?

କ୍ଷିପ୍ତ ନର ଭୁଲି ବିଭୁ ଭ୍ରାନ୍ତି ପଥେ ଚାଲେ

ବୃଦ୍ଧି ପାଏ ନାସ୍ତିକଙ୍କ ସଂଖ୍ୟା ଏ ଦେଶରେ ।।

ରଖି ପାରିବାକି ଆସ୍ଥା ନୟଜ୍ଞଙ୍କ ଠାରେ

ନ୍ୟାୟ ଯଷ୍ଟି ଅଛଇ କି ତାହାଙ୍କ ପାଣିରେ ।।

ସମାପ୍ତ