Library
ଘାସଫୁଲ { ghAsaphula }
ଘାସଫୁଲ { ghAsaphula }
1 min
14.2K
- ଘାସଫୁଲ
ବହୁ ଚର୍ଚିତ
ଦେଲି ପାରିଜାତ
ତାହାକୁ ତୁମେ ତ
ଚିହ୍ନି ପାରିଲ ନାହିଁ |
କେମିତି ପ୍ରତୀତି
ହେବ ତୁମ ବତୀ
ସଳିତାରୁ ତିଳେ
ବହ୍ନି ଜାଳିଲ ନାହିଁ ||-୧||
ଆଖି-ଉଚ୍ଛଳ
ଅଶ୍ରୁର ଜଳ
ଢାଳି ଚଞ୍ଚଳ
ତୁମ ଆଶ୍ଵାସ ଆଶେ |
ପାଦ ଚାଳି ଚାଳି
ଗଲି ଗଳି ଗଳି
ଉଥଳି ପୁଥଳି
ବୁଲି ବୁଲି ଦେଶେ ଦେଶେ ||-୨-||
ଆଉ କିଛି କାହିଁ
ଦେଖିଲି ତ ନାହିଁ
ଅରପିବା ପାଇଁ
ବିସ୍ମୟ ଦେବା ପରି |
ମନନ କ୍ଳାନ୍ତି
ଶରୀର ଶ୍ରାନ୍ତି
ମତିର ଭ୍ରାନ୍ତି
ଧରି ଆସୁଥିଲି ଫେରି ||-୩-||
ବୁଝିଲାନି ମନ
ମାୟା-ବନ୍ଧନ
ଭିତରେ ଶୂନ୍ୟ-
ହାତରେ ମିଳନ ମୂଲ |
ସାତ ଶରଧାରେ
ସାଉଁଟି ଆଣିଛି
ଶତ ଶତ ଘେନ
ଶୁଭ୍ର-ଦଶନ
ବାସହୀନ ଏଇ
ହସ ହସ ଘାସ ଫୁଲ ||-୪-||
ଏବେ ସେଇଥିରେ
ଛୋଟ ମୋ ପୋଥିରେ
ଗୁନ୍ଥି ଦେବି ଗୋ
ପ୍ରୀତିଭରା ଗୀତି ହାର ||
ପାରିଜାତ ଆଉ
ଖୋଜିବି କିଆଁ ମୁଁ
ଆଦରିଲେ ତୁମେ
ଛୋଟ ଏଇ ଉପହାର ||-୫-||
ଲଲାଟେନ୍ଦୁ କବି
୨୬ ମେଁ ୨୦୧୬
