ମୁଁ ଭୟକରେ
ମୁଁ ଭୟକରେ
1 min
210
ମୁଁ ଭୟକରେ
ଅନ୍ଧାର ରାତିରେ
ବେବିନା ନିର୍ଭୟାର ବୁକୁଫଟା ଚିତ୍କାର
ଭୋକିଲା ପେଟରେ
ମହଣେ ମନ ନିଆଁର ତତଲା ଅଭିସାର
ସୂର୍ପଣେଖା କାମନା ଯଜ୍ଞରେ
ଅଗ୍ନି ପରୀକ୍ଷା ଆହୁତି ସତୀ ସୀତାର
ମୁଁ ଭୟକରେ ।
ମୁଁ ଭୟକରେ
ପାପର ପିରାମିଡ ଗର୍ଭରେ
ପୂଣ୍ୟର ମୁଦ୍ରିତ କବର
ମିଥ୍ୟା ପ୍ରତିଶ୍ରୁତି ଶୁଖିଲା ଶାଖାରେ
ସ୍ୱପ୍ନର ଚିରହରିତ୍ ନଅର
ମଧୂର ଛଳନା ଅମୃତ ଧାରିଣୀ
ମୋହିନୀ ରୂପ ଶୃଙ୍ଗାର
ମୁଁ ଭୟକରେ ।
ମୁଁ ଭୟକରେ
କଳଙ୍କିତ ଅଧ୍ୟାୟେ ରଚିତ
ରାଜ୍ୟଭିଷେକ ଅଶୋକର
ଅଧର୍ମ ଅନ୍ୟାୟେ ଗଢା
ସେତୁବନ୍ଧ ସମ୍ପର୍କର
ନିନ୍ଦା-ପ୍ରଶଂସା ମିଶାଇଲ୍ ରେ
ଭାଙ୍ଗିବାକୁ ହୃଦୟ ସହର
ମୁଁ ଭୟକରେ ।