ଅଜଣା ଅତିଥି
ଅଜଣା ଅତିଥି
ଅଜଣା ଅତିଥି ତୁମେ ଆସିଲ ଜୀବନେ
ମିଠା ମିଠା ଶିହରଣ ବୋଳିଦେଲ ମନେ
ଭୁଲିଲି ନିଜକୁ ସାଥି ହଜିଲି ସପନେ
ନାଚିଲି ମୟୁରୀ ସାଜି ପ୍ରୀତି ଉପବନେ ।
କି ରଙ୍ଗ ଲାଗିଲା ସତେ ମୋର ଯଉବନେ
ତୁମ ନାମ ଶୁଭୁଥିଲା ପ୍ରତିକ୍ଷଣେ କାନେ
ଅକୁହା ଆବେଗ ଖେଳି ଉଠୁଥିଲା ପ୍ରାଣେ
ଛବି ତୁମ ଆଙ୍କିଦେଲି ହୃଦୟ ସ୍ପନ୍ଦନେ ।
ତନୁ ଭିଜୁଥିଲା ନିତି ପୀରତି ଦହନେ
ନୀରବରେ ଖୋଜୁଥିଲି ଅଦୃଶ୍ୟ ବନ୍ଧନେ
ଜଳୁଥିଲି ଏକା ଏକା ପୁଣି ଅଭିମାନେ
କେବେ ଅଧିକାର ଦେବ ଆପଣାର ପଣେ ।
ଢାଳିଦେଲ ପ୍ରୀତିମଧୁ ତୁମେ ପ୍ରତିଦାନେ
ସମ୍ପର୍କରେ ବନ୍ଦୀ ଆଜି ଆମରି ମିଳନେ ।