ସପନ ବଣିକ
ସପନ ବଣିକ
ଉତ୍ଥାନ ପତନ ସାପ ଶିଢି ଖେଳ ମନ କରେ ଅବଷନ୍ନ
ସପନ ବିନା ଏ ଜୀବନର ଯାତ୍ରା ହେଉଥାନ୍ତା ଛିନ୍ନ ଭିନ୍ନ ।
ସପନ ବଣିକ ସପନ ଦେଖଇ ଶୟନେ ବା ଜାଗରଣେ
ଶୟନର ସ୍ୱପ୍ନ ଚଳଚିତ୍ର ପରି ଉନ୍ମାଦନା ମନେ ଆଣେ ।
କ୍ଷଣ ସ୍ଥାୟୀ ଯେଣୁ ନିଦ ଭାଜିଗଲେ ମିଳେଇ ଯାଏ ସେ କାହିଁ
ଜାଗରଣେ ଯେଉଁ ସ୍ୱପ୍ନ ମନେ ଆସେ ନିଦ ଆଉ ଆସେ ନାହିଁ ।
ସଫଳ କରିବା ପାଇଁ ସପନକୁ ଯୋଜନା ଓ ରୂପାୟନ
କରିପାରେ ଯିଏ ହୁଅଇ ସଫଳ ବଢେ ସମାଜରେ ମାନ ।
ସପନ ଟି ସଫଳତାର ଜନନୀ ଗରଭେ ଧାରଣ କରେ
ବିନା ସପନରେ ଜିଏଁ ଭାଗ୍ୟବାଦୀ ଜିଅନ୍ତା ମରଣ ମରେ ।
ସପନ ସଂସାରେ ବଡ ସୌଦାଗର ଝଲମଲ କରେ ଆସି
ପାଇବାର ଆଶା ଜୀବନ ଯୁଦ୍ଧର ତଲବାର ଦିଏ କସି ।
ସପନ ନଥିଲେ ଘୋଷାରି ଓଟାରି ଗଡୁଥାନ୍ତା ଆମ ରଥ
ସପନ ବଣିକ ସପନରେ ଦେଖେ ପୁରିବ ତା ମନୋରଥ ।
ସୁବର୍ଣ୍ଣ ଚତୁର୍ଭୁଜ ନଦୀ ଯୋଡା ସ୍ୱପ୍ନ ଦେଖିଥିଲେ ବାଜପେୟୀ
ସଫଳ ହୋଇଛି ହୋଇବ ଆଗକୁ ସ୍ୱପ୍ନ ତାହା କାଳଜୟୀ ।
କଲାମଙ୍କ ସ୍ୱପ୍ନ ଭିଜନ୍ ବିଂଶ-ବିଂଶ ସଫଳତାର ଦ୍ୱାରରେ
ଭାରତ ହୋଇଛି ବିଶ୍ୱ ଶକ୍ତି ଆଜି ମଥା ତୋଳି ସମ୍ମାନରେ ।
ବିଜୁ ମହାମନା ସ୍ୱପ୍ନ ବେଖିଥିଲେ ପରିଚୟ ଓଡିଶାର
ୟୁନେସ୍କୋ ମଂଚରୁ ବୈଜ୍ଞାନିକ ପାଏ କଳିଂଗ ପୁରଷ୍କାର ।
ଓଡିଶାର ନାମ ଉଚ୍ଚ କରିବାକୁ ଜାତୀୟ ମାନ କ୍ରୀଡାର
କଳିଂଗ ଷ୍ଟାଡିୟମ ହେଲା ବିଶ୍ୱ କପ୍ ହକିର ମହାସମର ।
ସପନ ସହିତ ନିଷ୍ଠା ପରାକାଷ୍ଠା ମଣି କାଂଚନ ସଂଯୋଗ
ଅଳସୁଆ ଭାବେ ସପନ ନସରୁ ରାତି କାଳେ ପାହିଯିବ !!
ବିଶ୍ୱେଶ୍ଵର ମାଝୀ