Audio

Forum

Read

Contests

Language


Write

Sign in
Wohoo!,
Dear user,
ବିଚିତ୍ରବର୍ଣ୍ଣା
ବିଚିତ୍ରବର୍ଣ୍ଣା
★★★★★

© Narendra Kumar Acharya

Inspirational

1 Minutes   6.8K    9


Content Ranking

ଚାରିପାଖରେ ବିଛାଡ଼ି ହୋଇ ରହିଛି

ଏଇ ଯେଉଁ ବହୁବର୍ଣ୍ଣୀ ଚିତ୍ରପଟ୍ଟ

ସେଥିରେ କୌଣସିଟି ରଙ୍ଗ

ନିରୋଳା ନୁହଁ

ନା ସମୟ ନା ସ୍ଥାନ

ନା ଶତ୍ରୁ ନା ମିତ୍ର

ନା ପର ନା ସ୍ୱଜନ

ଏଠି ଗୋଟିଏ ଚେହେରା ଭିତରେ

ଛାଇ ପରି ଦିଶିବ

ଆଉ କେତୋଟି ମୁହଁ l


କିଛି ବି ନଥାଏ ନିରୁତା

ନା ଉଲ୍ଲାସ ନା ବିଷାଦ

ନା ସନ୍ଧି ନା ବିବାଦ

ନା ମୋକ୍ଷ ନା ବନ୍ଧନ

ନା ସାଧ୍ୟ ନା ସାଧନ

ଆଞ୍ଜୁଳାଏ ସୁଖର ଫୁଲ

ସାଉଁଟି ଧରିଲେ

ତା ଉପରେ ପଡ଼ିଥାଏ

ଟୋପା ଟୋପା କାକରର ଲୁହ

ଜାଣି ହୁଏନାହିଁ କେତେବେଳେ

ନିର୍ବିକାର ବୈରାଗ୍ୟ ଭିତରେ

ଚୁପ୍ ହୋଇ ବସିଥାଏ

ଜନ୍ମଜନ୍ମାନ୍ତରର ମୋହ l


ଆଉ ସ୍ନେହ ଓ ପ୍ରେମର

ନିବିଡ଼ ଆଶ୍ଳେଷ ଭିତରେ

ଅନୁରଣିତ ହେଉଥାଏ

ତ୍ୟାଗର ସାଂଗୀତିକ ଲୟ l

କାହିଁକି ଖୋଜି ହେଉଛ

କାହାର ବିବିକ୍ତ ଚେହେରା

ଏମିତି କାଳ କାଳ

ଭାଙ୍ଗୁଥିବ ନିରେଖୁ ଥିବ

ସେ କିନ୍ତୁ ଦେଉ ନଥିବ

କାହା ହାତେ ଧରା l





#ନରେନ୍ଦ୍ର ୨୮। ୨।୨୦୧୭

ବିଚିତ୍ରବର୍ଣ୍ଣା ଫୁଲ ପ୍ରେମ

Rate the content


Originality
Flow
Language
Cover design

Comments

Post


Some text some message..