ପ୍ରେମପ୍ରଣତି - ୫୫
ପ୍ରେମପ୍ରଣତି - ୫୫
1 min
6.7K
ଜାଣେ ପ୍ରେମ ଫୁଲ
ସଦ୍ୟ ସ୍ନିଗ୍ଧାୟିତ
ଅମଉଳା ବାସ ଛୁଟେ,
କେଉଁ ଦେବତାର
ଆଶୀର୍ବାଦ ବଳେ
ସର୍ବଦା ମନରେ ଫୁଟେ।
ପ୍ରେମ ମନ୍ଦିରରେ
ଯୌବନର ଢେଉ
ପ୍ରତି ମୁହୂର୍ତ୍ତରେ ଆସେ,
ସୂରୁଯ ଆଭାରେ
ଲହରୀମାଳ ତ
ଅପୂର୍ବ ରୂପେ ଝଲସେ।
ନିଷ୍କପଟ ମନେ ବସିଗଲେ ଥରେ
ପ୍ରେମ ମନ୍ଦିର ବେଢାରେ,
ହଜିଯାଏ ସବୁ ରୋଗ, ଶୋକ ,ଦୁଃଖ
ପ୍ରୀତି ଅଭିମାନ ଭରେ।
ପ୍ରେମର ସମୁଦ୍ର ସଦା
ମନୋରମ, ଅପୂର୍ବ
ଯେ ରୂପକାନ୍ତି ,
ସବୁଜ ଶସ୍ୟର ଶିହରଣ ଖେଳେ
ମିଳିଥାଏ କେତେ ଶାନ୍ତି ।
*ପ୍ରଣତି ମହାପାତ୍ର*